قائداعظم ون ڈے کرکٹ ٹرافی کا ساتواں مرحلہ کل سے شروع ہوگا

قائداعظم ون ڈے کرکٹ ٹرافی کا ساتواں مرحلہ کل سے شروع ہوگا

لاہور(سپورٹس رپورٹر)پاکستان کرکٹ بورڈ کے زیراہتمام جاری قائداعظم ون ڈے کرکٹ ٹرافی کا ساتواں مرحلہ(کل) 24 اکتوبر کوکھیلا جائے گا۔تفصیلات کے مطابق گروپ اے میں قدافی سٹیڈیم لاہورمیں لاہور وائٹس کا مقابلہ اسلام آباد سے ہوگا، ایبٹ آباد سٹیڈیم میں فاٹا اور پشاور کی ٹیموں کے درمیان میچ کھیلا جائیگا، اقبال سٹیڈیم فیصل آباد میں نیشنل بینک آف پاکستان اور حبیب بینک کی ٹیمیں مدمقابل ہونگی، کے آر ایل سٹیڈیم راولپنڈی میں سوئی نادرن گیس پائپ لائنز اور کے آر ایل کی ٹیم آمنے سامنے ہونگی،گروپ بی میں ایل سی سی اے گراؤنڈ لاہور میں کراچی وائٹس اور لاہور بلیو کی ٹیموں کے درمیان میچ ہوگا، پنڈی سٹیڈیم میں راولپنڈی اور ملتان کی ٹیموں کا ٹکراؤ ہوگا، مرغزار گراؤنڈ اسلام آباد میں پی ٹی وی اور پاکستان واپڈا کی ٹیمیں ملیں گی جبکہ ڈائمنڈ گراؤنڈ اسلام آباد میں زرعی ترقیاتی بینک اور سوئی سدرن گیس کمپنی کی ٹیمیں آپس میں ٹکرائیں گی۔ ٹورنامنٹ کا کوارٹر فائنل مرحلہ 27 اکتوبر سے شروع ہوگا،سیمی فائنل مرحلہ یکم نومبر سے جبکہ فائنل میچ 4 نومبر کو کھیلا جائے گا۔

مزید : کھیل اور کھلاڑی