وزیراعظم نے بغیر جوتے پہنے مدینہ منورہ کی سرزمین پر قدم رکھ دیئے

وزیراعظم نے بغیر جوتے پہنے مدینہ منورہ کی سرزمین پر قدم رکھ دیئے
وزیراعظم نے بغیر جوتے پہنے مدینہ منورہ کی سرزمین پر قدم رکھ دیئے

  

ریاض( محمد اکرم اسد)وزیر اعظم عمران خان سعودی عرب کے دورے پر مدینہ منورہ پہنچ گئے۔ مدینہ منورہ ائیرپورٹ پہنچنے پر ڈپٹی گورنر شہزادہ سعود بن خالد الفیصل نے وزیراعظم عمران خان کا استقبال کیا۔اس موقع پر چیئر مین پاکستان علما کونسل حافظ محمد طاہر اشرفی اور پاکستان کے سفیر بلال اکبر بھی موجود تھے۔عمران خان نے اس بار بھی مدینہ منورہ کی سرزمین پر جوتے اتار کر قدم رکھے۔

اس موقع پر انکی اہلیہ  بشریٰ بی بی ، وزیر خارجہ شاہ محمود قریشی، مشیر خزانہ شوکت ترین، وزیر توانائی حماد اظہر  بھی موجود تھے۔وزیراعظم نے وفد کے ہمراہ مسجد نبوی شریف پہنچ کر روضہ رسول ﷺ پر حاضری دی اور درود و سلام پیش کیا جبکہ مسجد نبوی شریف میں نوافل ادا کیے۔وزیراعظم نے مغرب اور عشاء کی نمازیں بھی وہیں ادا کیں۔وزیراعظم  بعد ازیں مکہ مکرمہ پہنچ کر عمرہ کی سعادت حاصل کریں گےجہاں ان کے لیے خانہ کعبہ کا دروازہ خصوصی طور پر کھولا جائے گا۔عمرہ کے بعد  عمران خان سعودی ولی عہد شہزادہ محمد بن سلمان کی طرف سے منعقدہ “مڈل ایسٹ گرین انشیٹو” میں شرکت کریں گے۔

وزیراعظم ہاؤس کی جانب سے جاری تصاویر میں دیکھا جاسکتا ہے کہ مدینہ ائیرپورٹ پر استقبال کے لیے موجود وفد اور گورنر نے جوتے پہن رکھے ہیں تاہم وزیراعظم نے جوتے نہیں پہنے۔

مزید :

قومی -