شوبز کی دنیا میں فن کو جاننے والے ہی کامیاب ہوتے ہیں ‘ستارہ بیگ
لاہور (فلم رپورٹر )معروف سٹیج پرفارمر ستارہ بیگ نے کہا ہے کہ شوبز کی دنیا میں فن کو جاننے والے ہی کامیاب ہوتے ہیں جبکہ خوبصورتی سونے پر سہاگے کا کام دیتی ہے۔ انہوں کہاکہ پاکستان میں بے شمار خوبصورت لڑکیاں ہیں جو شوبز میں آناچاہتی ہیں مگرا ن میں فن کا ٹیلنٹ نہیں اگر کوئی خوبصورت لڑکی سفارش سے آ بھی جائے تو صرف ایک دو پراجیکٹ کر کے ہی گھر بیٹھ جاتی ہے ۔انہوں نے کہاکہ خوبصورتی کو زوال ہے مگر فن کبھی زوال پذیر نہیں ہوتا ۔ستارہ بیگ نے کہاکہ میں نے کبھی اپنی خوبصورتی کوکامیابی کاذریعہ نہیں بنایا میر افن ہی میری کامیابی کاراز ہے ۔ میں گروپ بندیوں کو ہرگز پسند نہیں کرتی اورا پنے کام سے کام رکھنے کی کوشش کرتی ہوں تمام سینئراداکار ائیں قابل احترام ہیں میرا کسی سے کوئی مقابلہ نہیں ۔