شرجیل کی اپیل پرپی سی بی کا سزابڑھانے کا مطالبہ

شرجیل کی اپیل پرپی سی بی کا سزابڑھانے کا مطالبہ

لاہور (سپورٹس رپورٹر)پی ایس ایل اسپاٹ فکسنگ اسکینڈل میں پی سی بی کے اینٹی کرپشن ٹریبونل نے شرجیل خان کو پانچ سال کی پابندی کی سزا سنائی تھی۔ جسے شرجیل خان اور ان کے وکیل نے مسترد کردیا تھا۔ شرجیل خان نے پابندی کیخلاف پی سی بی گورننگ بورڈ میں اپیل کردی ہے۔ بورڈ چودہ روز میں آزادانہ حیثیت میں کام کرنے والے ثالث کا تقرر کرے گا۔شرجیل خان کے وکیل شیغان اعجاز کا کہنا ہے کہ شرجیل خان کو سزا مفروضوں کی بنیاد پر دی گئی۔ ہم نے شرجیل پر لگائے گئے پانچوں الزامات کو چیلنج کیا ہے۔دوسری جانب پاکستان کرکٹ بورڈ نے بھی ٹریبونل کی جانب سے شرجیل کو کم سزا دینے کیخلاف اپیل کردی۔ بورڈ نے اپیل میں موقف اختیار کیا ہے کہ شرجیل خان نے کوڈ آف کنڈکٹ کی پانچ خلاف ورزیاں کی جن کی سزا زیادہ بنتی ہے شرجیل خان کی سزا کو بڑھایاجائے۔

مزید : کھیل اور کھلاڑی