” عمران خان نے سعودی عرب میں۔۔۔“ وفاقی وزیر شیریں مزاری نے ایسا انکشاف کردیا کہ ہمسایہ اسلامی ملک ایران بھی خوش ہوجائے گا

اسلام آباد (ڈیلی پاکستان آن لائن) وفاقی وزیر برائے انسانی حقوق شیریں مزاری نے کہاہے کہ وزیر اعظم عمران خان نے سعودی عرب میں پوزیشن واضح کردی ہے کہ ہم اسلامی ممالک کے مابین جنگ میں نہیں پڑیں گے اور ہم چاہتے ہیں کہ امن ہو، موجودہ مشکل صورتحال میں بڑے تحمل اوراحتیاط سے چلنا ہوگا ۔

جیونیوز کے پروگرام ” نیا پاکستان “ میں گفتگوکرتے ہوئے شیریں مزاری نے کہا کہ وزیر اعظم عمران خان نے سعودی عرب میں پوزیشن واضح کردی ہے کہ ہم اسلامی ملکوں کے مابین جنگ میں نہیں پڑیں گے اور ہم چاہتے ہیں کہ امن ہو، یمن کے حوالے سے وزیر اعظم عمران خان نے جو کہاہے وہ ہماری پرانی پوزیشن ہے ۔ انہوں نے کہا کہ اس وقت حکومت کے لئے بہت سے مشکلات ہیں اس لئے ہمیں بڑے تحمل اور احتیاط سے چلنا ہوگا ۔ ہمارے سرحد ی حالات اس وقت بہترہورہے ہیں، موجودہ حالات میں ہمیں جہاں انڈین بارڈر پر توجہ رکھنے کی ضرورت ہے وہاں افغان بارڈر پر بھی توجہ رکھنی ہوگی کیونکہ افغانستان میں حالات خراب ہوتے جارہے ہیں۔