فیاض الحسن چوہان کے بیٹے کے فزکس کے پریکٹیکل میں نمبر کس طرح بڑھائے گئے؟ انکوائری رپورٹ سامنے آ گئی

فیاض الحسن چوہان کے بیٹے کے فزکس کے پریکٹیکل میں نمبر کس طرح بڑھائے گئے؟ ...
فیاض الحسن چوہان کے بیٹے کے فزکس کے پریکٹیکل میں نمبر کس طرح بڑھائے گئے؟ انکوائری رپورٹ سامنے آ گئی

  


لاہور(ویب ڈیسک)پنجاب کے وزیر فیاض چوہان کے بیٹے کے نمبر بڑھانے کے معاملے پر انکوائری رپورٹ سامنے آگئی۔جیو نیوز کے مطابق فیاض چوہان کے بیٹے کے نمبر غیر قانونی طور پر بڑھائے گئے، صوبائی وزیر کے بیٹے کے فزکس پریکٹیکل کے نمبر 14 سے 30 کیے گئے۔انکوائری رپورٹ میں بتایا گیا ہے کہ ہیڈ ایگزمینر ایسوسی ایٹ پروفیسر سلیم نے اختیارات سے تجاوز کیا اور نمبر بڑھائے، پریکٹیکل لینے والے سب ایگزامینر نے نمبروں کی تبدیلی سے اتفاق نہیں کیا جب کہ پروفیسر سلیم رمضان کے خلاف ضابطے کی کارروائی کی جائے۔بورڈ ذرائع کا کہناہے کہ ہیڈ ایگزمینر کے خلاف ضابطے کی کارروائی کے لیے سیکریٹری ہائرایجوکیشن کو رپورٹ بھیج دی گئی ہے۔چیئرمین پنڈی بورڈ ڈاکٹر غلام دستگیر نے کہا کہ فیاض چوہان کے بیٹے کا رزلٹ تاحال جاری نہیں کیا گیا، قانونی رائے کے بعد فہد حسن کانتیجہ جاری کیا جائے گا۔خیال رہے کہ فیاض الحسن کے بیٹے نے نجی کالج سے بارہویں جماعت کے پرچے دیئے جس میں فہد حسن نے 769 نمبر حاصل کیے ہیں۔

مزید : علاقائی /پنجاب /لاہور


loading...