میں جو گزرا سلام کرنے لگا | ثروت حسین |
میں جو گزرا سلام کرنے لگا
پیڑ مجھ سے کلام کرنے لگا
دیکھ اے نوجوان میں تجھ پر
اپنی چاہت تمام کرنے لگا
کیوں کسی شب چراغ کی خاطر
اپنی نیندیں حرام کرنے لگا
سوچتا ہوں دیارِ بے پروا
کیوں مرا احترام کرنے لگا
عمر یک روز کم نہیں ثروتؔ
کیوں تلاشِ دوام کرنے لگا
شاعر: ثروت حسین
(کلیاتِ ثروت حسین)
Main Jo Guzra Kalaam Karnay Laga
Pairr Mujh Say Kalaam Karnay Laga
Daikh Ay Naojawaan Main Tujh Par
Apni Chahat Tamaam Karnay Laga
Kiun Kisi Shab Charaagh Ki Khaatir
Apni Neendeen Haraam Karnay Laga
Sochta Hun Diyaar -e- Beparwah
Kiun Mira Ehtaraam Karnay Laga
Umr Yak Roz Kam Nahen SARWAT
Kiun Talaash-e- Dawaam Karnay Laga
Poet: Sarwat Hussain