خالی خالی رستوں پہ بے کراں اُداسی ہے | ثروت زہرہ |
خالی خالی رستوں پہ بے کراں اُداسی ہے
جسم کے تماشے میں روح پیاسی پیاسی ہے
خواب اور تمنا کا کیا حساب رکھنا ہے
خواہشیں ہیں صدیوں کی عمر تو ذرا سی ہے
راہ و رسم رکھنے کے بعد ہم نے جانا ہے
وہ جو آشنائی تھی وہ تو نا شناسی ہے
ہم کسی نئے دن کا انتظار کرتے ہیں
دن پرانے سورج کا شام باسی باسی ہے
دیکھ کر تمہیں کوئی کس طرح سنبھل پائے
سب حواس جاگے ہیں ایسی بد حواسی ہے
زخم کے چھپانے کو ہم لباس لائے تھے
شہر بھر کا کہنا ہے یہ تو خوں لباسی ہے
شاعرہ: ثروت زہرہ
(مختلف ادبی گروپوں سے خصوصی انتخاب)
Khaali Khaali Raston Pe Bekaraan Udaasi Hay
Jism K Tamaashay Men Tooh Payaasi Payaasi Hay
Khaab Aor Tamanna Ka Kaya Hisaab Rakhna
Khaahishen Hen Sadiyon Ki Umr To Zaraa Si Hay
Raah -o- Rsm Rakhany K Baad Ham Nay Jaana Hay
Wo Jo Aashnaai Thi Wo To Nashanaasi Hay
Ham Kisi Naey Din Ka Intizaar Kartay Hen
Din Puraanay Sooraj Ka Shaam Baasi Baasi Hay
Dekh Kar Tumhen Koi Kiss Tarah Sanbhall Paaey
Sab Hawaas Jaagay Hen Aisi Bad Hawaasi Hay
Zakhm K Chhupaanay Ko Ham Libaas Laaey Thay
Shehr Bhar Ka Kehna Hay Yeh To Khoon Libaasi Hay
Poetess: Sarwat Zehra