”پہلے نوازشریف کے معاملے کو دیکھ لیں پھر مریم نواز اور کیپٹن صفدر کی اپیل سنیں گے “اسلام آباد ہائیکورٹ نے سماعت کتنے مہینوں تک ملتوی کر دی ؟ جانئے 

”پہلے نوازشریف کے معاملے کو دیکھ لیں پھر مریم نواز اور کیپٹن صفدر کی اپیل ...
”پہلے نوازشریف کے معاملے کو دیکھ لیں پھر مریم نواز اور کیپٹن صفدر کی اپیل سنیں گے “اسلام آباد ہائیکورٹ نے سماعت کتنے مہینوں تک ملتوی کر دی ؟ جانئے 

  

اسلام آباد (ڈیلی پاکستان آن لائن )اسلام آباد ہائیکورٹ نے مریم نواز نے ایون فیلڈ ، العزیزیہ اور فلیگ شپ ریفرنس میں اپیلوں کی سماعت 9 دسمبر تک ملتوی کر دی ہے ۔

تفصیلات کے مطابق اسلام آباد ہائیکورٹ کے جسٹس محسن اختر کیانی اور جسٹس عامر فاروق پر مشتمل دو رکنی بینچ نے مریم نواز کی ایون فیلڈ ، فلیگ شپ اور العزیزیہ ریفرنس میں اپیلوں پر سماعت کی ۔ جس دوران جسٹس عامر فاروق نے ریمارکس دیتے ہوئے کہا کہ احتساب عدالت کے اسی فیصلے کے خلاف نوازشریف کی اپیل بھی زیر سماعت ہے ، نوازشریف کی حاضری کیلئے وارنٹ گرفتار ی جاری کیے گئے ہیں اور نوازشریف کی حاضری یقینی بنانے کا عمل شروع کر رکھا ہے ، پہلے اس معاملے کو دیکھ لیں پھر ایک ساتھ اپیلوں پر سماعت کریں گے ۔ عدالت نے کہا کہ مریم نواز اور کیپٹن صفدر کی اپیلیں یہ عمل پورا ہونے کے بعد سنیں گے ۔عدالت نے سماعت 9 دسمبر تک ملتوی کر دی ہے ۔

مزید :

اہم خبریں -قومی -