ہو گیا شاید مرا ذوقِ تجسس کامیاب | جاں نثار اختر |
ہو گیا شاید مرا ذوقِ تجسس کامیاب
آج خود مجھ پر پڑی میری نگاہِ انتخاب
جانے کس لمحہ دمک اٗٹھے فضائے کائنات
کوئی چٹکی میں لئے ہے دیر سے طرفِ نقاب
منتظر ہیں آج بھی تیری نگاہِ شوق کے
جانے کتنے ماہ و انجم ، جانے کتنے آفتاب
تو نے دیکھا بھی نہیں اور دل دھڑکنے بھی لگا
جیسے بن چھیڑے ہوئے بجنے لگے کوئی رباب
ایک ہلکا سا تبسم ، ایک گہرا سا خُمار
ہائے وہ آنکھیں کہ تارے دیکھتے ہوں کوئی خواب
اپنے دل کا داغ محرومی چھپا سکتا نہیں
دوسرے کی روشنی سے جگمگاتا ماہتاب
سازِ مطرب کچھ نہیں ہے جامِ ساقی کچھ نہیں
زندگی ہے آپ نغمہ ، زندگی ہے خود شراب
شاعر: جاں نثار اختر
(شعری مجموعہ: جاوداں )
Ho Gaya Shayad Mira Zoq -e-Tajassus Kaamyaab
Aaj Khud Mujh Par Parri Meri Nigaah -e-Intekhaab
Jaany Kiss Lamha Damak Uthay Fazaa-e- Kaainaat
Koi Chuttki Men Liay Hay Der Say Tarf-e- Naqaab
Muntazir Hen Aaj Bhi Teri Nigaah-e- Shoq K
Jaanay Kitnay Maah-o- Anjum , Kitnay Aftaab
Tu Nay Dekha Bhi Nahen Aor Dil Dharraknay Bhi Laga
Jaisay Bin Chhairray Huay Bajnay Lagay Koi Rubaab
Aik Halk Sa Tabassum , Aik Gehra Sa Khumaar
Haaey Wo Aankhen Keh Taaray Dekhtay Hon Koi Khaab
Apnay Dil Ka Daagh -e- Mehroomi Chhupaa Sakta Nahen
Doosray Ki Raoshni Say Jagmagaata Mahtaab
Saaz -e- Mutrib Kuch Nahen Hay Jaam-e- Saaqi Kuch Nahen
Zindagi Hay Aap Naghma , Zindagi Hay Khud Sharaab
Poet: Jan Nisar Akhtar