جب پولیس شاہنواز امیر کے گھر پہنچی تو اس وقت ملزم کیا کر رہا تھا ؟ ڈی آئی جی آپریشنز سہیل ظفر چٹھہ نے بتا دیا

جب پولیس شاہنواز امیر کے گھر پہنچی تو اس وقت ملزم کیا کر رہا تھا ؟ ڈی آئی جی ...
جب پولیس شاہنواز امیر کے گھر پہنچی تو اس وقت ملزم کیا کر رہا تھا ؟ ڈی آئی جی آپریشنز سہیل ظفر چٹھہ نے بتا دیا

  

اسلام آباد(ڈیلی پاکستان آن لائن)  ڈی آئی جی آپریشنز سہیل ظفر چٹھہ نے بتایا کہ جمعے کی صبح ساڑھے نو بجے مقامی لوگوں نے اسلام آباد کی پٹرولنگ پولیس کو اطلاع دی کہ شاہنواز کے فارم ہاؤس سے شور کی آوازیں آ رہی ہیں جس پر پولیس کی ٹیم موقع پر پہنچی تو ملزم جائے وقوعہ پر فرش دھو رہا تھا۔

اردو نیوز سے بات کرتے ہوئے انہوں نے بتا یا کہ جب پولیس موقع پر پہنچی تو ملزم جائے وقوعہ کو دھو رہا تھا۔ پولیس نے اسے موقع پر آلہ قتل سمیت گرفتار کر لیا اور قریبی تھانے منتقل کر دیا۔ ابتدائی تفتیش میں ملزم نے جرم کا اعتراف کر لیا ہے۔ان کا کہنا تھا کہ چونکہ پاکستان کے قانون کے تحت ایف آئی آر مدعی کا خاندان درج کرواتا ہے اس لیے پولیس ان سے رابطے کی کوشش کر رہی ہے تاہم اگر کچھ دیر میں رابطہ نہ ہو سکا تو پولیس خود اس کیس کی مدعی بنے گی۔انہوں نے مزید بتایا کہ مقتولہ کینیڈا کی شہری ہیں۔ اس حوالے سے اسلام آباد پولیس نے کینیڈا کے سفارت خانے سے بھی رابطہ کر لیا ہے۔

مزید :

قومی -