ڈپٹی کمشنر محمد ارشد بھٹی کی زیر صدارت ڈسٹرکٹ پرائس کنٹرول کمیٹی کا اجلاس
قصور(بیورورپورٹ ) ڈپٹی کمشنر محمد ارشد بھٹی کے زیر صدارت ڈسٹرکٹ پرائس کنٹرول کمیٹی کا اجلاس گزشتہ روز ڈی سی کمیٹی روم میں منعقد ہوا۔ اجلاس میں اسسٹنٹ کمشنر قصور رضوان الحق پوری ، ڈی او انڈسٹریز محمد شفیق ،ڈپٹی ڈائریکٹر لائیو سٹاک ‘ضلعی صدر نمبردار ایسوسی ایشن ملک خرم نصراللہ ، انجمن تاجران کے عہدیداران سمیت دیگر متعلقہ افسران موجود تھے ۔ اجلاس میں اشیائے ضروریہ کی نئی قیمتیں مقرر کی گئیں جن میں چاول باسمتی سپر 310روپے فی کلو گرام،دال چنا باریک 190 روپے فی کلو ‘ دال چنا موٹی210روپے فی کلو‘دال مسور موٹی 250روپے فی کلو ‘دال ماش 510روپے فی کلو گرام ، دال مونگ 210روپے فی کلو گرام ،سیاہ چنا باریک 200روپے فی کلو گرام‘سیاہ چنا موٹا 210روپے فی کلو گرام ‘سفید چنا باریک 320 روپے ‘سفید چنا موٹا 330،بیسن 220روپے فی کلو گرام ‘چینی بمطابق گورنمنٹ پالیسی ‘ روٹی تندوری 100گرام 15 روپے ،سادہ نان 100گرام 20 روپے ، گوشت چھوٹا(مٹن) 1300روپے فی کلو ، گوشت بڑا 600روپے فی کلو ، دودھ کھلا فی لیٹر 130روپے ، دہی 140 روپے فی کلو ، گوشت برائلر ، سبزی و فروٹ ، انڈے فی درجن بمطابق نرخ نامہ مارکیٹ کمیٹی روزانہ کی بنیاد پر ہونگے ۔
اس موقع پر ڈپٹی کمشنر کا کہنا تھا کہ ضلعی حکومت کی جانب سے مقرر کردہ اشیائے ضروریہ کہ ریٹس پر عملدرآمد کو سو فیصد یقینی بنایا جائیگا۔ ناجائز منافع خوروں اور ذخیرہ اندوزوں کے خلاف بھر پور کاروائیاں ہونگی ۔ تمام پرائس کنٹرول مجسٹریٹس روزانہ کی بنیاد پر عام مارکیٹوں کا دورہ کر کے اشیائے ضروریہ کی مقررہ قیمت پر فراہمی کو یقینی بنائینگے ۔
