سعودی عرب ، فوج اور سرکاری ملازمین کے بونس اور خصوصی الاؤنسز بحال

سعودی عرب ، فوج اور سرکاری ملازمین کے بونس اور خصوصی الاؤنسز بحال

ریاض ( نیٹ نیوز )سعودی عرب کے فرمانروا شاہ سلمان نے سرکاری ملازمین اور فوجی حکام کو ملنے والے بونس اور خصوصی الاؤنسز پھر سے بحال کر دیے ہیں جو گذشتہ برس کفایت شعاری کے اقدامات کے تحت منقطع کر دیے گئے تھے۔حکومت نے تیل سے ہونے والی آمدن میں کمی کے پیش نظر گذشتہ برس ستمبر میں حکومتی اخراجات میں کفایت شعاری برتنے کے لیے سرکاری ملازمین کو ملنے والی خصوصی مالی مراعات کو روک دیا تھا۔یادرہے کہشاہ سلمان نے سول سروس سے متعلق اپنے وزیر کو بھی برطرف کر دیا ہے اور اختیارات کے بیجا استعمال کے معاملے میں ان کے خلاف تفتیش کا حکم دیا گیا ہے۔شاہی ااحکامات کی مزید تفصیل کے مطابق واشنگٹن میں سعودی عرب کے سفیر کے طور پر نئی ذمہ داریاں سنبھالنے والے شہزادہ خالد نے امریکہ میں رہتے ہوئے جنگی جہاز کے پائلٹ کی تربیت حاصل کی تھی اور وہ شام میں داعش کے خلاف ہونے والی کارروائی کے تحت فضائی حملوں میں بھی حصہ لے چکے ہیں۔شاہ سلمان نے حکم دیا ہے کہ سعودی عرب کی قیادت میں یمن میں ہونے والی فوجی کارروائی میں حصہ لینے والے جو فوجی محاذ جنگ پر تعینات ہیں، انھیں دو ماہ کی اضافی تنخواہ ادا کی جائے۔نئے حکم نامے میں یہ بھی کہا گیا ہے کہ گذشتہ برس وزرا اور سرکاری ملازمین کی تنخواہوں میں کٹوتی تیل کی گرتی قیمتوں کی وجہ سے کی گئی تھی۔واضح رہے کہ جنوری میں تیل کی قیمتیں تقریباً 28 ڈالر فی بیرل تک پہنچ گئی تھیں جس میں اب اضافہ ہوا ہے اور اب یہ تقریباً 52 ڈالر فی بیرل تک پہنچ گیا ہے۔ماہرین کے مطابق جس طرح سے حکومت نے کفایت شعاری کا اعلان کیا تھا اس سے لگتا ہے کہ سعودی عرب کی معیشت اچھی نہیں تھی حکومت کا کہنا ہے کہ اس برس کی پہلی سہ ماہی میں اس کے معامشی اخراجات میں بہتری درج کی گئی اور مستقبل میں مزید بہتر ہونے کی توقع ہے۔گذشتہ برس کفایت شعاری کے اقدامات کے تحت حکومت نے وزرا کی تنخواہوں میں 20 فیصد جبکہ شوریٰ کونسل کے ارکان کی رہائش اور کار الاؤنسوں میں 15 فیصد کی کمی کا اعلان کیا تھا۔اس کے ساتھ ہی کم تر درجے کے سول ملازمین کی تنخواہوں میں جس اضافے کا اعلان کیا گیا تھا اس پر بھی روک لگا دی گئی تھی۔شاہی حکم نامے کے تحت سرکاری ملازمین کو ملنے والے اضافی مالیاتی فوائد واپس لے لیے گئے تھے۔

مزید : صفحہ آخر