پاکستانی فلموں میں کام کرنے والی نوجوان عرب اداکارہ صرف 34برس کی عمر میں انتقال کر گئیں

پاکستانی فلموں میں کام کرنے والی نوجوان عرب اداکارہ صرف 34برس کی عمر میں ...
پاکستانی فلموں میں کام کرنے والی نوجوان عرب اداکارہ صرف 34برس کی عمر میں انتقال کر گئیں

  

دوبئی (ڈیلی پاکستان آن لائن) 34سالہ پاکستانی فلموں میں کام کرنے والی مراکش سے تعلق رکھنے والی معروف اداکارہ، ماڈل و گلوکارہ وائم عمار دھامنی دل کا دورہ پڑنے سے اتوار کی رات کو انتقال کر گئیں۔وائم کو پاکستانی ڈائریکٹر شہزاد رفیق نے اپنی فلم”عشق خدا”میں کاسٹ کیا جس کے بعد انھوں نے ایک فلم”ہوٹل” میں بھی کام کیا تھا۔انہوں نے اپنے کیرئیرکا آغازمراکش سے بطورمیزبان کیا تھا۔

عرب میڈیاکے مطابق دھامنی کئی سالوں سے متحدہ عرب امارات میں رہائش پذیر تھیں۔دبئی میڈیا آفس نے اداکارہ کی موت کے حوالے سے ایک بیان جاری کرتے ہوئے کہا کہ دھامنی کی موت دبئی میں واقع نہیں ہوئی ۔انہوں نے صحافیوں اور سوشل میڈیا کے صارفین کوکوئی بھی معلومات آن لائن کرنے یا شائع کرنے سے پہلے اس کی تصدیق کرنے کیلیے زور دیا ہے۔

دھامنی کی اچانک موت ان کے مداحین کیلیے ایک افسوسناک خبر تھی ،سوشل میڈیا اور چینلز پر ان کی موت پر اظہار افسوس بھی کیا جا رہا ہے اور انکی مغفرت کے کیلیے دعائیں کی جا رہی ہیں۔اداکارہ کے بہت سارے سا تھیوں نے ان کی تصاویر کو اپنے سوشل میڈیا کے اکائونٹس پر شائع کرکے افسوس کا اظہار بھی کیا۔

واضح رہے کہ وائم عمار دھامنی رباط میں پیدا ہوئیں، انھوں نے فلموں کے علاوہ بھارتی چینلز کے خصوصی پروگرام بطور میزبان انجام دیے۔ انہوں نے بہت سارے گانے بھی گئے جن میں سب سے مشہور گانے ”اہلن وا ساہلن“اور” سجنوی “ہیں ۔

مزید :

تفریح -