لاہور سمیت ملک کے مختلف شہروں میں تیز آندھی،بارش

اسلام آباد (مانیٹرنگ ڈیسک) اسلام آباد اور لاہورسمیت پنجاب کے مختلف شہروں میں آندھی اور بارش، پشاور میں بھی بادل کھل کر برسے، گرمی کا زور ٹوٹا تو شہریوں کے چہرے بھی کھل اٹھے۔تفصیلات کے مطابق اسلام آباد اور راولپنڈی سمیت پنجاب کے دیگر شہروں میں بادل کھل کر برسے تو شہریوں کے چہرے کھل اٹھے۔پشاور، بنوں، چمن میں بارش نے موسم خوشگوار بنا دیا۔ چمن اور گردونواح میں مٹی کے طوفان اور گرد آلود ہواؤں سے لوگوں کو مشکلات کا سامنا رہا۔ سرگودھا اور سیالکوٹ میں بارش سے گندم کی فصل کو نقصان پہنچایا۔میانوالی اور جہلم میں بھی موسلا دھار بارش اور ژالہ باری ہوئی۔ شیخوپورہ، گجرات، بھکر، منڈی بہاؤالدین میں بھی بارش سے جل تھل ہو گیا۔محکمہ موسمیات کے مطابق آج گوجرانوالہ، سرگودھا، کشمیر اور گلگت بلتستان میں تیز ہواؤں اور گرج چمک کے ساتھ بارش کا امکان ہے۔
آندھی/بارش