پولیس کا کریک ڈاؤن،مختلف جرائم میں ملوث61ملزم گرفتار
لاہور (کرائم رپورٹر)ڈی آئی جی آپریشنز لاہور محمد وقاص نذیر کی ہدایت پراقبال ٹاؤن ڈویثرن پولیس کا جرائم پیشہ عناصر کے خلاف کریک ڈاؤن جاری ہے۔ ایس پی اقبال ٹاؤن ڈویڑن کی زیرِنگرانی اقبال ٹاؤن ڈویڑن پولیس نے اشتہاری و سنگین جرائم میں ملوث عناصر کے خلاف کارروائی کرتے ہوئے گذشتہ ہفتہ کے دوران مختلف جرائم میں ملوث61ملزمان گرفتار کر لیئے۔ ڈکیت و چور گینگ کوگرفتار کر کے ان کے قبضہ سے1 لاکھ 50 ہزارروپے مالیت کی ریکوری کی گئی۔ناجائز اسلحہ کے 5ملزمان کو گرفتارکر کے قبضہ سے3پسٹلز،2 بندوقیں اور گولیاں برآمدکی گئیں۔منشیات کے خلاف کارروائی کرتے ہوئے 14 ملزمان کو گرفتار کر کے ان کے قبضہ سے33 کلو گرام سے زائدچرس، 2 کلو سے زائد افیون،10 کلو بھنگ اور68 بوتلیں شراب برآمد کی گئی۔
چوری، امانت میں خٰیانت،دھوکہ دہی،چیک ڈس آنر سمیت مختلف مقدمات میں مطلوب10اشتہاری مجرمان کوگرفتارکیاگیا۔قمار بازی ایکٹ کی خلاف ورزی پر 5 ملزمان کو گرفتار کر کے داؤ پر لگی 54 ہزار روپے نقدی برآمد کی گئی۔ پتنگ بازی، ون ویلنگ، ہوائی فائرنگ، کرایہ داری،گداگری اورپرائس کنٹرول ایکٹ کی خلاف ورزی پر15 ملزمان کوبھی گرفتار کیاگیا۔
