گیس چوری کی روک تھام کیلئے بلا تاخیر خوصوصی ٹاسک فورس تشکیل دی جائے ،عمر ایوب
اسلام آباد(آئی این پی ) گیس چوری اور لائن لاسز کسی صورت برداشت نہیں کی جاے گی ، انتظامیہ لائن لاسز میں کمی کیلئے کمربستہ ہوجائیں، گیس چوری کی روک تھام کے لیے بلا تاخیر خصوصی ٹاسک فورس تشکیل دی جائے۔ٹاسک فورس دونوں گیس کمپنیوں سے روزانہ کی بنیاد پررپورٹ طلب کرے۔تفصیلات کے مطابق وزیر پٹرولیم عمر ایوب نے یہ بات پٹرولیم ڈویژن پر تفصیلی بریفنگ کے دوران کہی.اس موقع پر ندیم بابر معاون خصوصی برائے پٹرولیم بھی موجود تھے. سیکریٹری پیٹرولیم اسد حیا الدین نے وزیر پٹرولیم کو تیل و گیس کی تلاش پیداوار کے جاری منصوبوں سے آگاہ کیا۔ایل این جی سپلائی معاہدوں, پٹرولیم پروڈکٹس کی کھپت,موجودہ ریفائنری,مقامی پیداواری صلاحیت سمیت دیگر امور پر بھی تفصیلی بریفنگ دی۔وفاقی سیکریٹری نے وزیر پیٹرولیم کو پیٹرولیم ڈویژن کے ذیلی اداروں کی کارکردگی سے بھی آگاہ کیا۔اس موقع پر عمر ایوب خان نے کہا کہ گیس چوری کی روک تھام کے لیے بلا تاخیر خصوصی ٹاسک فورس تشکیل دی جائے۔ٹاسک فورس دونوں گیس کمپنیوں سے روزانہ کی بنیاد پررپورٹ طلب کرے۔ قومی اثاثوں کی حفاظت سوئی نادرن اور سوئی سدرن کی اولین ذمہ داری ہے۔ندیم بابر ,معاون خصوصی براے پیٹرولیم نے اس موقع پرکہا کہ انتظامیہ لائن لاسز میں کمی کے لیے کمر بستہ ہو جائے۔اس کے علاوہ گیس و تیل کے مزید بلاکس آفر کیے جائیں گے ۔مزید براں او جی ڈی سی ایل اور پی پی ایل کی ڈرلنگ سرگرمیاں بڑھائی جائیگی۔بریفنگ کے دوران پیٹرولیم ڈویژن کے تمام اعلی افسران موجود تھے۔
