دبئی اور ابو ظہبی میں پبلک ٹرانسپورٹ کی جزوی بحالی کا فیصلہ

دبئی اور ابو ظہبی میں پبلک ٹرانسپورٹ کی جزوی بحالی کا فیصلہ

  

ابو ظہبی(آئی این پی) دبئی اور ابو ظہبی میں پبلک ٹرانسپورٹ جزوی طور پر بحال کرنے کا فیصلہ کرلیا گیا ہے، پبلک ٹرانسپورٹ دن میں 12 گھنٹے فعال رہے گی۔بین الاقوامی خبر رساں ادارے کے مطابق ابو ظہبی محکمہ بلدیات و ٹرانسپورٹ نے کہا ہے کہ شہر میں پبلک ٹرانسپورٹ ہفتے کے روز سے بحال کی جائے گی۔محکمے کا کہنا ہے کہ جمعرات سے48 گھنٹے تک پبلک ٹرانسپورٹ میں استعمال کی جانے والی تمام بسوں کی صفائی ہوگی اور جراثیم کش ادویات کا استعمال ہوگا۔پبلک ٹرانسپورٹ کی بحالی کے ساتھ مسافروں کی سلامتی کے لیے سخت حفاظتی انتظامات پر عمل جاری رہے گا۔

، شہر بھر میں جراثیم کش ادویات کا استعمال جاری رہے گا جبکہ تمام بسوں، ٹیکسیوں اور پبلک ٹرانسپورٹ کے ذرائع کی روزانہ کی بنیاد پر سینی ٹائزنگ ہوگیمحکمہ ٹرانسپورٹ کا کہنا ہے کہ تمام مسافر دوران سفر ایک دوسرے سے ضروری فاصلہ رکھنے کے پابند ہوں گے اور ماسک اور دستانوں کے علاوہ سینی ٹائزر استعمال کریں گے۔دوسری طرف دبئی حکومت نے بھی میٹرو اور بس سروس جزوی طور پر بحال کرنے کا فیصلہ کیا ہے، شہر میں پبلک ٹرانسپورٹ دن میں صرف 12 گھنٹے کے لیے کام کرے گی۔

مزید :

علاقائی -