رمضان المبارک کا چاند نظر آتے ہی امامِ کعبہ شیخ عبدالرحمٰن السدیس کا بیان بھی آگیا

رمضان المبارک کا چاند نظر آتے ہی امامِ کعبہ شیخ عبدالرحمٰن السدیس کا بیان ...
رمضان المبارک کا چاند نظر آتے ہی امامِ کعبہ شیخ عبدالرحمٰن السدیس کا بیان بھی آگیا

  

ریاض (وقار نسیم وامق) سعودی عرب میں مسجد الحرام اور مسجد نبویؐ کے امور کے انچارج اور امام کعبہ شیخ عبدالرحمن السدیس نے کہا ہے کہ رمضان المبارک اللہ تعالی کی جانب سے مسلمانوں کے لئے اللہ کی خوشنودی اور جہنم سے نجات حاصل کرنے کا مہینہ ہے.

رمضان المبارک کا چاند نظر آنے کے بعد مسجد الحرام میں اپنے خطبے میں امام کعبہ عبدالرحمن السدیس نے رمضان المبارک کے فیوض و برکات بیان کیے اور کہا کہ اس ماہ اللہ کی خاص رحمتیں نازل ہوتی ہیں جن کو حاصل کرکے اللہ کی خوشنودی حاصل کی جاسکتی ہے اور گناہوں سے چھٹکارا حاصل کرکے جہنم سے نجات بھی پائی جاسکتی ہے اس ماہ میں لیلتہ القدر کی وہ عظیم رات بھی ہے جس میں اللہ نے قرآن مجید فرقان حمید کو نازل کیا اور جو رات ہزاروں راتوں سے افضل ہے.

انہوں نے مسلمانوں کو تلقین کی کہ اس ماہِ صیام میں مسلمانوں کو زیادہ سے زیادہ عبادات میں مشغول رہ کر اللہ کے حضور اپنی بخشش کے ساتھ ساتھ کورونا وائرس سے نجات کی دعا بھی مانگنی چاہئیے، اسکے ساتھ ساتھ صحت و سلامتی کے اصولوں کو بھی لازمی طور پر ملحوظ خاطر رکھا جائے.

مزید :

عرب دنیا -Ramadan Page -Ramadan News -