مہوش حیات کے بھائی کے ساتھ ڈانس پر ان کے مداح تقسیم ہوگئے

مہوش حیات کے بھائی کے ساتھ ڈانس پر ان کے مداح تقسیم ہوگئے
مہوش حیات کے بھائی کے ساتھ ڈانس پر ان کے مداح تقسیم ہوگئے

  

کراچی(ڈیلی پاکستان آن لائن)ستارہ امتیاز کی حامل اداکارہ مہوش حیات کو بھائی کے ساتھ ڈانس اسٹیپ شیئر کرنے پر تنقید کا سامناکرنا پڑرہا ہے۔سوشل میڈیا صارفین کی بڑی تعداد نے مہوش حیات کو کھری کھری سنادیں تو کئی لوگوں نے پسندیدگی کا بھی اظہارکیا۔یوں ان کے ڈانس سٹیپس نے ان کے مداحوں کو تقسیم کردیا۔

کورونا لاک ڈاؤن میں وقت گزاری کیلئے ستارہ امتیازکی حامل اداکارہ مہوش حیات نے اپنے بھائی دانش حیات کے ساتھ ملکر ڈانس سٹیپ سوشل میڈیا پر شیئر کیے ۔ اپنی ویڈیو کے ساتھ انہوں نے لکھااس مشکل وقت میں اپنوں کیساتھ موج مستی کریں اور ایک دوسرے کو ایسے چیلنج دیکر لطف اندوز ہوں،اپنے اندر کا بچہ کبھی مرنے نہ دیں۔

وشل میڈیا پر انکے مداحوں نے ویڈیو کو ضرورسراہا تاہم اکثریت مہوش حیات کے اس اقدام سے ناخوش نظر آئی۔ سوشل میڈیا صارفین کہتے ہیں اس کام میں توانائی ضائع کرنے کے بجائے کورونا سے متاثرہ لوگوں کی مدد کریں، کچھ مداح اداکارہ کی حمایت میں میدان میں آگئے،ڈانس سٹیپ کو شاندار قراردے دیا۔

اسٹے ہوم پلیز نامی صارف نے لکھا ہمیں اپنی نوکریوں کے لالے پڑے ہیں،ایسے ڈرامے پاکستان میں نہیں چلیں گے۔

وجیہہ لکھتے ہیں کاش آپ اس کام میں توانائی ضائع کرنے کے بجائے کورونا سے متاثرہ لوگوں کی مدد کرتے۔

صارف میوٹڈ نے سوال کیا یہ لوگ پاکستان کی کون سی کلاس سے تعلق رکھتے ہیں۔

فرح نے لکھا آپ ایسا چیلنج کیوں نہیں کرتے جس میں کسی انسان کا بھلا ہوجائے ،جس پر عادل نے جواب دیا بہن یہ لوگ ایسی چیزیں نہیں پڑھتے  ۔

مزید :

تفریح -