زلمی فاﺅنڈیشن کی افغانستان کو بھی بڑی امداد، کیا کچھ دیا؟
پشاور (ویب ڈیسک) زلمی فاﺅنڈیشن نے کورونا جیسی عالمگیر وبا کے دنوں میں ہمسائے ممالک کی مدد کرنے کی غرض سے افغانستان کو کورونا سے نمٹنے کے لیے ضروری طبی سامان عطیہ کردیا ، کورونا سے دنیا بھر میں اب تک 1 لاکھ 90 ہزار سے زیادہ افراد ہلاک ہوچکے ہیں۔زلمی فاﺅنڈیشن کے چیئر مین جاوید آفریدی نے 50 ہزار ماسک اور ایک ہزار حفاظتی سوٹ پاکستان میں متعین افغانی سفیر مشال عاطف کے حوالے کیے۔جاوید آفریدی کا اس موقع پر پاکستان اور افغانستان دونوں ممالک کے درمیان وبائی بیماریوں کے خلاف جنگ کے لئے باہمی تعاون کی ضرورت پر زور دیتے ہوئے کہا کہ حکومت پاکستان سمیت وزیر اعظم عمران خان بھی ہمسایہ ممالک کے ساتھ مضبوط تعلقات کو فروغ دینے کی کوشش کرتے ہیں۔
انہوں نے یہ بھی کہا کہ وہ یعنی زلمی فاﺅنڈیشن اس وبائی مرض سے نمٹنے کے لیے ہمسائے ممالک کی ہر ممکن کوشش کریں گے۔زلمی فاﺅنڈیشن کی جانب سے جاری اعلامیہ میں بتایا گیا کہ فاﺅنڈیشن حکومت کے ساتھ مل کر وبائی مرض سے نمٹنے کے لیے ایک فعال کردار ادا کررہی ہے، فاﺅنڈیشن وزیر اعظم کے کورونا ریلیف فنڈ میں 10 ملین روپے کی امداد بھی کرچکی ہے۔
As the Covid-19 has entangled the whole world, PZF tends to anchor its neighbour-country ???????? in this harsh dial of time by providing it with anti-covid equipments today.We intend to make it evident to the Afghan people that we are standing beside them against this global pandemic pic.twitter.com/G9XUVFIGYk
— Javed Afridi (@JAfridi10) April 23, 2020
علاوہ ازیں زلمی فاﺅنڈیشن خیبر پختونخواہ حکومت کو سرجیکل ماسک اور حفاظتی سوٹ بھی فراہم کر چکی ہے اور کئی اضلاع میں راشن عطیہ کرنے سمیت غریبوں اور مستحقین کی مدد میں بھی پیش پیش ہے۔سماجی رابطے کی ویب سائٹ ٹوئٹر پر بھی جاوید آفریدی کے تصدیق شدہ اکاؤنٹ سے مشال عاطف کو ٹیگ کئے ٹوئٹس سامنے آئے۔
جاوید آفریدی نے اپنے ٹوئٹ میں لکھا کہ انہوں نے ہمسائے ممالک کو طبی سامان عطیہ کر کے عملی طور پر پاک افغان بھائی چارے کی مثال قائم کی۔انہوں نے یہ بھی لکھا کہ ان کے اس اقدام سے دنیا کو یہ پیغام ملے گا کہ سرحدیں علاقے الگ کر سکتی ہیں مگر ہمارے دلوں کو نہیں۔
Thank you for your contribution and kindness @JAfridi10 Sahib. In this time of difficulty and uncertainty, standing by the side of each other will bring the two nations closer. https://t.co/Rcm8yeWuTC
— Atif Mashal (@MashalAtif) April 23, 2020
مشال عاطف نے جوابی ٹوئٹس میں جاوید آفریدی کے تعاون کا شکریہ ادا کیا اور لکھا کہ اس مشکل کی گھڑی میں ان کا یہ احسن اقدام دونوں ممالک کی اقوام کو قریب لانے میں اہم کردار ادا کرسکتا ہے۔