امریکی محکمہ خارجہ نے غزہ پر اسرائیلی جنگ میں انسانی حقوق کی رپورٹ جاری کردی 

امریکی محکمہ خارجہ نے غزہ پر اسرائیلی جنگ میں انسانی حقوق کی رپورٹ جاری کردی 
امریکی محکمہ خارجہ نے غزہ پر اسرائیلی جنگ میں انسانی حقوق کی رپورٹ جاری کردی 

  IOS Dailypakistan app Android Dailypakistan app

واشنگٹن(ڈیلی پاکستان آن لائن ) امریکی محکمہ خارجہ کی انسانی حقوق کی رپورٹ میں تسلیم کیا گیا ہے کہ غزہ پر اسرائیلی جنگ نے انسانی حقوق کی صورتحال پر نمایاں منفی اثرات مرتب کئے۔
نجی ٹی وی جیونیوز کے مطابق مغربی کنارے اورغزہ سے متعلق امریکی محکمہ خارجہ کی انسانی حقوق کی رپورٹ جاری کردی گئی ہے جس میں کہا گیا ہے کہ اسرائیلی حکومت یا اس کے ایجنٹوں نے من مانی یا غیر قانونی قتل کا ارتکاب کیا۔رپورٹ کے مطابق اسرائیل نے کچھ فلسطینی قیدیوں کو ایسے حالات میں رکھا جس سے ان کی صحت کو نقصان پہنچا۔
واضح رہے کہ گزشتہ روز مقبوضہ فلسطین کے محصور علاقے غزہ میں 7 اکتوبر 2023 سے جاری اسرائیلی جارحیت کو 200 روز مکمل ہوگئے ہیں۔غزہ کی وزارت صحت کے مطابق 200 روز کے دوران غزہ میں اسرائیلی جارحیت کے نتیجے میں 34 ہزار 183 افراد شہید جبکہ 77 ہزار 143 افراد زخمی ہوچکے ہیں۔
غزہ میں اسرائیلی جنگ کے سب سے زیادہ شکار خواتین اور بچے ہوئے ہیں، اب تک شہید ہونے والے افراد میں 14 ہزار 500 سے زائد بچے اور 9 ہزار 500 خواتین شامل ہیں۔