پاکستانی کیوئسٹنٹرنیشنل بلیئرڈ اینڈ سنوکر چیمپن شپ میں شرکت کرینگے

پاکستانی کیوئسٹنٹرنیشنل بلیئرڈ اینڈ سنوکر چیمپن شپ میں شرکت کرینگے

بینکاک/کراچی (این این آئی)انٹرنیشنل بلیئرڈ اینڈ سنوکر فیڈریشن (آئی بی ایس ایف) نے آئندہ ماہ تھائی لینڈ میں شیڈول سکس ریڈ ورلڈ پرو ایم سنوکر چیمپئن شپ کیلئے پاکستان کو تیسری انٹری دے دی جس کے تحت اب ایونٹ میں تین پاکستانی کیوئسٹ ٹائٹل کے حصول کیلئے ایکشن میں دکھائی دیں گے۔ چیمپئن شپ 7 سے 12 ستمبر تک بینکاک تھائی لینڈ میں کھیلی جائے گی۔ پاکستان بلیئرڈ اینڈ سنوکر فیڈریشن (پی بی ایس ایف) کے صدر عالمگیر شیخ کے مطابق آئی بی ایس ایف نے محمد سجاد کو میگا چیمپئن شپ میں شرکت کی اجازت دے دی ہے اور اب ایونٹ میں دو کی بجائے تین کیوئسٹ ملک کی نمائندگی کریں گے۔ اسجد اقبال اور محمد آصف پہلے ہی چیمپئن شپ کیلئے کوالیفائی کر چکے ہیں۔ رولز کے مطابق ورلڈ سکس ریڈ ایونٹ کے ٹاپ فور پلیئر چیمپئن شپ میں شرکت کے اہل ہوتے ہیں ٗ بھارتی پلیئر ایڈوانی پہلے ہی ایونٹ تک رسائی حاصل کر چکے تھے اسلئے جگہ خالی تھی اور آئی بی ایس ایف نے محمد سجاد کو انٹری دے دی۔

مزید : کھیل اور کھلاڑی