پاک بھارت کرکٹ سیریز مشکلات کا شکار،شائقین میں مایوسی

پاکستان اور بھارت کے درمیان ہونے والی کرکٹ سیریز شیڈول کے مطابق ہونا بہت ضروری ہے لیکن اب پاک بھارت مذاکرات جو تعطل کا شکار ہوگئے ہیں اس کو دیکھتے ہوئے یہ لگتا ہے کہ اب اس سیریز کا انعقاد ممکن نہیں ہے جب بھی دونوں کرکٹ ٹیمیں کسی سیریز کے انعقاد کے لئے آمادہ ہوتی ہیں تو بھارت کیجانب سے کچھ ایسا ردعمل سامنے آجاتا ہے جس کی بناء پر کرکٹ سیریز کا انعقاد نہیں ہوسکتا اس سے شائقین کرکٹ کو جو مایوسی ہوئی ہے اس کا اندازہ لگانا بہت مشکل ہے ایک مرتبہ دوبارہ شائقین کرکٹ میں مایوسی پھیل گئی ہے وہ اس سیریز کے انعقاد کا شدت سے انتظار کررہے تھے اور اب جب سیریز کا انعقاد ناممکن ہوتا نظر آرہا ہے توان کی مایوسی بھی درست ہے پاکستان کرکٹ بورڈ نے اس حوالے سے جو کردار ادا کیا وہ قابل تعریف ہے بھارتی حکومت کو اپنی ٹیم کو پاکستان سے کھیلنے سے منع نہیں کرنا چاہیئے اور کرکٹ میں سیاست کو شامل نہیں کرنا چاہئیے اس سے نہ صرف پاکستان کو نقصان ہوتا ہے بلکہ اس کے ساتھ ساتھ بھارت کو بھی نقصان ہے کرکٹ ہو یا کوئی اور کھیل ضرورت اس بات کی ہے کہ سیاست کو دور رکھا جائے اور پاکستان میں کرکٹ کے کھیل کو پہلے ہی کافی نقصان ہوچکا ہے ایسے موقع پر پاک بھارت کرکٹ سیریز کا انعقاد نہ ہونا اچھی بات نہیں ہے ضرورت اس بات کی ہے کہ اس حوالے سے دونوں کرکٹ بورڈز مذاکرات کریں اور کوشش کریں گے شیڈول کے مطابق اس سیریز کا انعقاد ممکن بنایا جاسکے پاکستان کرکٹ بورڈ نے اس حوالے سے جو کوششیں کی ہیں ان کو رائیگاں نہیں جانا چاہئیے بلکہ سیریز کو دسمبر میں ہی ہونا چاہئیے امید ہے کہ اس حوا لے سے پی سی بی تو اپنا کردار بخوبی سرانجام دے گا لیکن بھارتی بورڈ بھی ضرور سنجیدگی سے اپنا کردارادا کرے گااس حوالے سے پاکستان کرکٹ بورڈ کی مشکلات بھی بڑھ گئیں ہیں کیونکہ بھارت کے ساتھ یہ سیریز پاکستان کرکٹ ٹیم کے لئے بہت زیادہ اہمیت کی حامل تھی اورپی سی بی نے تیاریوں کا بھی آغاز کردیا تھا بہرحال ابھی بھی وقت ہے امید ہے کہ اس حوالے سے بھارتی بورڈ سنجیدگی سے سوچے گا اور اس سیریز کے انعقاد کے لئے کردار ادا کریگا۔