جلسے کیلئے بڑے بڑے دعوے کرنے پر کارکنوں سے معذرت چاہتاہوں: شیر افضل مروت

                                                                         اسلام آباد(آئی این پی)  پی ٹی آئی رہنما شیرافضل خان مروت نے آئندہ پی ٹی آئی جلسوں کیلئے لوگوں کو دعوت دینے کیلئے کوئی وعدہ یا دعوی نہ کرنے اور جلسہ منسوخ ہونے پر شرمندگی کا اظہار کرتے ہوئے کہا کہ میں پی ٹی آئی جلسے کیلئے بڑے بڑے دعوے کئے اس پر کارکنوں سے معاذرت چاہتا ہوں۔ ایکس پر اپنے ردعمل میں شیرافضل خان مروت نے کہا کہ سب سے پہلے میں پی ٹی آئی کے ان تمام کارکنوں سے دلی معذرت چاہتا ہوں جو 22 اگست کے جلسے میں شرکت کے لیے پاکستان کے کسی بھی کونے سے اسلام آباد آئے تھے۔جب قیادت کی طرف سے اعلان ہوا تو میں سو رہا تھا اور جب میں بیدار ہوا تو پولیس نے اس گھر پر چھاپہ مارا جہاں میں ٹھہرا ہوا تھا۔ میں نے جلسہ میں عوام کو ترغیب دینے اور مدعو کرنے کے لیے کئی ویڈیو پیغامات کیے تھے۔شیرافضل خان مروت نے کہا کہ میں نے بڑے بڑے دعوے کیے تھے کہ جلسہ ہر حال میں ہو گا لیکن مجھے نہیں معلوم تھا کہ کسی بھی بدلے ہوئے فیصلے پر مجھے اعتماد میں نہیں لیا جائے گا۔کارکن اب قیادت کو گالیاں دے رہے ہیں اور میں بھی اس سے مستثنی نہیں ہوں۔ تازہ ترین تجربے کو مدنظر رکھتے ہوئے اور مستقبل میں شرمندگی سے بچنے کے لیے میں نے فیصلہ کیا ہے کہ کسی بھی جلسے یا ریلی یا دعوے کے بارے میں کوئی دعوی یا وعدہ نہیں کروں گا۔ جب تک کہ مجھے اس کی ذمہ داری خصوصی طور پر نہ دی جائے۔ بصورت دیگر میں کوئی بھی ذمہ داری لینے سے باز آؤں گا۔تاہم، میں خان کے مقصد کے لیے کام جاری رکھوں گا۔

شیرافضل