پنجاب میں ڈینگی کے مزید 8 کیسز رپورٹ، ترجمان محکمہ صحت 

لاہور (آئی این پی) محکمہ پرائمری اینڈ سیکنڈری ہیلتھ کیئر نے پنجاب بھر میں ڈینگی کے اعدادو شمار جاری کر دیئے۔ ترجمان محکمہ صحت کے مطابق گزشتہ چوبیس گھنٹوں میں صوبہ میں ڈینگی کے مزید 08کیس رپورٹ ہوئے،ایک ہفتہ میں 36کیسز جبکہ رواں سال اب تک ڈینگی کے 296 کیسز رپورٹ ہوئے۔ گزشتہ چوبیس گھنٹوں میں لاہور سے 02،راولپنڈی سے 03،اوکاڑہ، ساہیوال اور رحم یار خان سے ڈینگی کا ایک ایک کیس رپورٹ ہوا۔ترجمان محکمہ صحت نے کہا کہ محکمہ صحت نے انسداد ڈینگی کے لئے تمام انتظامات مکمل کر رکھے ہیں، تمام سرکاری ہسپتالوں میں ڈینگی سمیت دیگر ادویات کا سٹاک موجود ہے۔

 ڈینگی