پی آئی اے کی پرواز میں فرش پر سوتی خاتون کی وائرل تصویر کی حقیقت سامنے آگئی

پی آئی اے کی پرواز میں فرش پر سوتی خاتون کی وائرل تصویر کی حقیقت سامنے آگئی
پی آئی اے کی پرواز میں فرش پر سوتی خاتون کی وائرل تصویر کی حقیقت سامنے آگئی
سورس: Twitter/@mujhaycryaraha

  IOS Dailypakistan app Android Dailypakistan app

اسلام آباد(مانیٹرنگ ڈیسک) جدہ سے پاکستان آنے والی پی آئی اے کی ایک پرواز میں فرش پر سوتی خاتون کی تصویر انٹرنیٹ پر پوسٹ کی گئی جو تیزی سے وائرل ہوئی، تاہم اب اس تصویر کی حقیقت سامنے آ گئی ہے۔ نیوز ویب سائٹ’پروپاکستانی‘ کے مطابق یہ تصویر ٹوئٹر ہینڈل @mujhaycryarahaپر پوسٹ کی گئی تھی۔


ٹویٹ میں صارف کی طرف سے بتایا گیا تھا کہ یہ جدہ سے اسلام آباد آنے والی پی آئی اے کی پرواز پی کے 740ہے، جس میں یہ خاتون فرش پر سو رہی ہے۔انٹرنیٹ صارفین کی طرف سے اس ٹویٹ پر بہت شدید ردعمل سامنے آیا اور قومی ایئرلائنز کو کافی سخت سست سنائی گئیں تاہم اب اس پرواز میں سوار ایک اور مسافر نے اصل بات دنیا کو بتا دی ہے۔
محمد خان نامی اس صارف نے بتایا ہے کہ ”میں بھی اس پرواز میں سوار تھا۔ اصل کہانی یہ ہے کہ اس پرواز کو کل 12بج کر 10منٹ پر جدہ سے اڑان بھرنی تھی مگر یہ 10گھنٹے لیٹ ہو گئی۔ اس پر مستزاد یہ کہ اسے ملتان ایئرپورٹ پر اترنا تھا لیکن دھند کی وجہ سے اسے اسلام آباد ایئرپورٹ پر اتارا گیا۔ اس تصویر کی اصل کہانی یہ ہے۔“
محمد خان کی اس وضاحت پر بھی اکثر لوگوں کا کہنا ہے کہ پروازوں میں تاخیر دنیا بھر میں معمول کی بات ہے۔ یہ بات اس طریقے سے مسافروں کی جان خطرے میں ڈالنے کا جواز نہیں ہو سکتی۔پی آئی اے کے عملے کو اس خاتون کو یوں فرش پر سونے سے روکنا چاہیے تھا۔ اس طرح نہ صرف اس خاتون بلکہ دیگر مسافروں کی زندگیاں بھی خطرے میں پڑ گئیں۔