امریکہ میں بد ترین برفانی طوفان سے 19 افراد ہلاک ، کئی ریاستوں میں درجہ حرارت منفی 45 تک گر گیا

 امریکہ میں بد ترین برفانی طوفان سے 19 افراد ہلاک ، کئی ریاستوں میں درجہ ...
  امریکہ میں بد ترین برفانی طوفان سے 19 افراد ہلاک ، کئی ریاستوں میں درجہ حرارت منفی 45 تک گر گیا

  IOS Dailypakistan app Android Dailypakistan app

نیو یارک (ڈیلی پاکستان آن لائن) امریکہ موسم سرما کے تاریخی طوفان کی زد میں ہے ، شدید برفباری اور سردہواؤن کے باعث نظام زندگی شدید متاثر ہے جبکہ مختلف حادثات و واقعات میں برفانی طوفان کے باعث 19 افراد ہلاک ہو گئے ۔ 

رپورٹس کے مطابق ریاست مونٹانا ، جنوبی ڈکوٹا اور وائیو منگ میں درجہ حرارت منفی 45 ڈگری سینٹی گریڈ  تک گر گیا ، نیو یارک ، جارجیا ، کینٹکی سمیت کئی ریاستوں میں ہنگامی حالت نافذ کر دی گئی ۔ ملک بھر میں  8 ہزار سے زائد پروازیں منسوخ جبکہ 25 ہزار سے زائد پروازیں تاخیر کا شکار ہوئی ہیں ۔ 

میڈیا رپورٹس کے مطابق امریکہ میں  15 لاکھ سے زیادہ افراد بجلی سے محروم ہو چکے ہیں ، نیو انگلینڈ ، نیو یارک ، نیو جرسی کے ساحلی علاقوں میں سیلابی صورتحال پیدا ہوگئی ،  نیو یارک سٹی میں ساحی علاقوں کی سڑکیں زیر آب آ گئیں ، گاڑیاں کئی انچ پانی میں ڈوب گئیں ۔

ادھر محکمہ موسمیات نے مشرقی ریاستوں میں اتوار تک خطرناک سردی کی شدت برقرار رہنے کی پیشگوئی کی ہے جبکہ   امریکا کی 60 فیصد آبادی کو موسم سرما کے بدترین اور سرد ترین طوفان کی وارننگ جاری کر دی گئی ہے۔