اسد عمر اور شہزاد وسیم دفعہ 144 خلاف ورزی کیس میں بری

اسد عمر اور شہزاد وسیم دفعہ 144 خلاف ورزی کیس میں بری
اسد عمر اور شہزاد وسیم دفعہ 144 خلاف ورزی کیس میں بری

  IOS Dailypakistan app Android Dailypakistan app

اسلام آباد(ڈیلی پاکستان آن لائن )اسلام آباد کی ڈسٹرکٹ اینڈ سیشن کورٹ نے دفعہ 144 کی خلاف ورزی کیس میں پاکستان تحریک انصاف (پی ٹی آئی) کے رہنما اسد عمر اور سینیٹر شہزاد وسیم کو بری کردیا۔
امت نیوز کے مطابق جوڈیشل مجسٹریٹ ڈاکٹر سہیل تھہیم نے کیس کا فیصلہ سناتے ہوئے دونوں رہنماﺅں کو مقدمہ سے بری کرنے کا حکم دیا۔
دوسری جانب پی ٹی آئی آزادی مارچ کے تھانہ لوہی بھیر میں درج مقدمے میں بانی پی ٹی آئی کی بریت کی درخواستوں پر نوٹس بھی جاری کردیا گیا ہے۔جوڈیشل مجسٹریٹ شائستہ خان کنڈی نے کیس کی سماعت کی۔اس دوران عدالت نے شریک ملزم علی نواز اعوان کے ناقابل ضمانت وارنٹ گرفتاری منسوخ کردیے۔بانی پی ٹی آئی کی جانب سے بریت اور پروڈکشن آرڈر کیلئے دو الگ الگ درخواستیں دائر کی گئیں۔عدالت نے بانی پی ٹی آئی اور علی نواز اعوان کی بریت درخواست پر پراسیکیوشن سے جواب طلب کرلیا۔عدالت نے بانی پی ٹی آئی کی پروڈکشن درخواست پر جیل حکام کو جواب کیلئے نوٹس جاری کردیا۔عدالت نے مزید سماعت 26 فروری تک کیلئے ملتوی کردی۔