جامعہ زکریا‘ ہاسٹلز میں سہولیات کی عدم فراہمی پر طلبہ کا احتجاج مظاہرہ

جامعہ زکریا‘ ہاسٹلز میں سہولیات کی عدم فراہمی پر طلبہ کا احتجاج مظاہرہ

  



ملتان (سٹاف رپورٹر) بہاء الدین زکریا یونیورسٹی ملتان کے ہوسٹل ایدھی ہال، ابوبکر ہال اور قاسم ہال طلبہ نے میس بند ہونے، وائی فائی کی سہولت فراہم نہ کرنے، واش رومز کی ناقص حالت اور دیگر بنیادی سہولیات فراہم نہ کرنے کے خلاف شدید احتجاج کیا اور یونیورسٹی کا مین گیٹ بند کر دیا جس پر جامعہ زکریا کے سکیورٹی گارڈز اور طلبہ کے درمیان معمولی جھڑپ بھی ہوئی۔ بعد ازاں رات کو طلباء (بقیہ نمبر14صفحہ12پر)

نے ہوسٹل کے گیٹ بھی بند کر دیئے،طلبہ کا کہنا تھا کہ ایدھی ہال میں واش رومز کی حالت انتہائی خراب ہونے کی وجہ سے طلبہ پریشانی میں مبتلا ہیں، واش بیسن اور ٹوٹیاں تقریباً ٹوٹ چکی ہیں علاوہ ازیں ابوبکر ہال کی الیکٹرک وائرنگ 1978 سے چلی آرہی ہے‘پرانی اور کمزور ہونے کی وجہ سے اکثر ٹرپنگ ہو جاتی ہے جس سے طلبہ سخت پریشان ہیں،احتجاج کرنے والے طلبہ نے ایدھی ہال میں میس کی فراہمی، وائی فائی کی بحالی، قاسم اور ابوبکر ہال میں بنیادی سہولیات کی عدم دستیابی پر تشویش کا اظہار کرتے ہوئے یونیورسٹی انتظامیہ سے اصلاح احوال کا مطالبہ کیا ہے۔اس بارے میں رابطے پر یونیورسٹی حکام نے کہا ہے کہ طلبہ کو تمام ضروری سہولیات فراہم کی جا رہی ہیں تاہم اس معاملے کو بھی دیکھاجا رہا ہے‘طلبہ کہ تمام مسائل کا حل اولین ترجیح ہے۔

احتجاج

مزید : ملتان صفحہ آخر