زمین ڈویلپمنٹس کے نئے منصوبے ’مال 35‘ کا سنگ بنیاد رکھ دیا گیا

زمین ڈویلپمنٹس کے نئے منصوبے ’مال 35‘ کا سنگ بنیاد رکھ دیا گیا
زمین ڈویلپمنٹس کے نئے منصوبے ’مال 35‘ کا سنگ بنیاد رکھ دیا گیا

  



راولپنڈی (پ ر ) زمین ڈویلپمنٹس کے زیر انتظام مال 35 کا سنگ بنیاد رکھ دیا گیا۔ سنگ بنیاد رکھنے کی یہ تقریب مال 35 کی سائٹ صدر راولپنڈی میں منعقد کی گئی جس میں زمین ڈاٹ کام کے سی ای او ذیشان علی خان، سینئر ڈائریکٹر نارتھ حسن دانش سمیت دیگر عہدیداران جبکہ الہی بخش گروپ کی جانب سے چیئر مین شیخ فصیح الدین اور سی ای او حسن شیخ سمیت دیگر عہدیداران شریک ہوئے ۔

صدر راولپنڈی کے مقام پر تعمیر ہونے والے اس منصوبے کا کل رقبہ 5.2کنال ہوگا جس میں ہوٹل اپارٹمنٹس اور شاپنگ مال کی تعمیرکی جا رہی ہے۔ اس کے علاوہ بہترین سہولیات سے آراستہ ریسٹوارنٹ، ہیلتھ اینڈ فٹنس کلب، پلے ایریا، کانفرنس اینڈ میٹنگ رومز کے ساتھ ساتھ پارکنگ کیلئے 2 بیسمنٹ مختص کی جائےگی۔

اس موقع پر گفتگو کرتے ہوئے زمین ڈاٹ کام کے سی ای او ذیشان علی خان نے کہا کہ مال 35 راولپنڈی میں اپنی مثال آپ ایک منافع بخش منصوبہ ہے جس میں آج کی جانے والی سرمایہ کاری کا فائدہ بہت جلد سامنے آئے گا۔اُن کاکہنا تھا کہ زمین ڈویلپمنٹس کا عزم ہے کہ وہ پاکستان بھر میں بہترین رہائشی اور کمرشل منصوبے متعارف کروائے گی جو کہ حقیقی خریدار اور سرمایہ کار،دونوں کیلئے فائدہ مند ہونگے۔

اُنہوں نے بتایا کہ زمین ڈویلپمنٹس کی زیر انتظام لاہور اور اسلام آباد میں مختلف ڈویلپمنٹس کے منصوبوں پر کام جاری ہے،جو کہ مقررہ تاریخوں پر ڈلیور کر دیا جائے گا۔ اُن کا مزید کہنا تھا کہ ایسے کمرشل منصوبے پاکستان کے دیگر بڑے شہروں میں بھی سامنے لائیں گے تاکہ پراپرٹی کے شعبے کو فائدہ حاصل ہوسکے ۔

مزید : بزنس /رئیل سٹیٹ