عمران خان کے بیٹے کل پاکستان پہنچیں گے ،کپتان صاحبزادوں کیساتھ ہفتہ شمالی علاقہ جات میں گزاریں گے

عمران خان کے بیٹے کل پاکستان پہنچیں گے ،کپتان صاحبزادوں کیساتھ ہفتہ شمالی ...
عمران خان کے بیٹے کل پاکستان پہنچیں گے ،کپتان صاحبزادوں کیساتھ ہفتہ شمالی علاقہ جات میں گزاریں گے

  

اسلام آباد (مانیٹرنگ ڈیسک) پاکستان تحریک انصاف کے چیئرمین عمران خان نے اپنے بیٹوں کو پاکستان بلا لیا ، قاسم اور سلمان ایک ہفتہ پاکستان میں گزاریں گے ۔

پی ٹی آئی ذرائع کا کہنا ہے کہ عمران خان کے دونوں صاحبزادے کل لندن سے اسلام آباد پہنچ رہے اور وہ ایک ہفتہ بنی گالہ میں قیام کریں گے ۔ ذرائع نے مزید بتایا ہے کہ عمران خان ایک ہفتہ اپنے بیٹوں کےساتھ شمالی علاقہ جات میں گزاریں گے۔

یاد رہے کہ چند روز قبل یہ خبریں بھی گردش کر رہی تھیں کہ عمران خان اپنی تیسری شادی کی اجازت لینے کے حوالے سے لند ن میں اپنے بیٹوں کے پاس گئے ہیں مگر بعد میں عمران خان نے اپنی تیسری شادی کی خبروں کی تردید کرتے ہوئے کہا تھا کہ ان خبروں میں کوئی صداقت نہیں ہے ۔

مزید : اسلام آباد