اعصاب شکن پانامہ لیکس کیس کا کوئی نتیجہ برآمد نہیں ہوا‘ سرائیکی رہنما
ملتان (سٹی رپورٹر ) سرائیکستان عوامی اتحاد کے رہنماؤں خواجہ غلام فرید کوریجہ ‘ پروفیسر شوکت مغل ‘ رانا محمد فراز نون ‘ ملمک خضر حیات ڈیال ‘ ملک گلزار احمد اُترا ، کرنل عبدالجبار عباسی ، ظہور دھریجہ ، سید مہدی الحسن شاہ ، ملک اللہ نواز وینس ، مہر مظہر کات ، مسیح اللہ خان جامپوری ، عابدہ بخاری اور عاشق(بقیہ نمبر45صفحہ12پر )
بزدار نے کہاہے کہ ا عصاب شکن پانامہ لیکس کیس کا کوئی نتیجہ برآمدنہیں ہوا ۔ 20 کروڑ انسانوں کو ذہنی اذیت کا معاوضہ کون ادا کرے گا ۔ پیپلز پارٹی ، ن لیگ ، تحریک انصاف وغیرہ کرسی اور اقتدار کی سیاست کرتی ہیں جبکہ ہم حقوق کی بات کرتے ہیں ۔ سرائیکستان لانگ مارچ کے سلسلے میں آج اہم فیصلے کئے جائیں گے اور پریس کانفرنس میں فیصلوں کا اعلان کیا جائے گا۔ انہوں نے کہا کہ مفادات اور کرسی و اقتدار کی سیاست کرنے والی جماعتوں نے سرائیکی صوبے کی تحریک کو بہت نقصان دیا ہے۔ پیپلز پارٹی نے صوبے کے نام پر لولی پاپ دیا اور ن لیگ نے تو لولی پاپ و ڈرامہ بازی کی انتہا کر دی ۔ انہوں نے کہا کہ 10 ستمبر کو ہونیوالے سرائیکستان لانگ مارچ میں نوجوانوں کا جوش و خروش مثالی ہے ۔ انشاء اللہ تعالیٰ یہ لانگ مارچ صوبہ سرائیکستان کا پیش خیمہ ثابت ہوگا۔