بھارت میں خواتین کا بھی آئی پی ایل ہونا چاہیے:انڈین ویمنز ٹیم کی کپتان متھالی راج کا مطالبہ

بھارت میں خواتین کا بھی آئی پی ایل ہونا چاہیے:انڈین ویمنز ٹیم کی کپتان متھالی ...
بھارت میں خواتین کا بھی آئی پی ایل ہونا چاہیے:انڈین ویمنز ٹیم کی کپتان متھالی راج کا مطالبہ

  


لندن (آئی این پی)بھارتی ویمنز کرکٹ ٹیم کی کپتان متھالی راج نے خواتین کھلاڑیوں میں ٹیلنٹ کی تلاش ، ان کی صلاحیتوں کو ابھارنے اور مقامی کھلاڑیوں کو بین الاقوامی سطح پر لانے کے لیے انڈین پریمیئر لیگ(آئی پی ایل)کی طرز پر خواتین کرکٹ ٹورنامنٹ منعقد کرانے کا مطالبہ کردیا۔

سرفراز احمد کا پانچ لاکھ روپے کا چیک گم ہوگیا

تفصیلات کے مطابق بھارتی کپتان کا یہ بیان ویمن ورلڈ کپ2017کے فائنل میں سنسنی خیز مقابلے کے بعد انگلینڈ کے ہاتھوں 9 رنز کی شکست کے بعد سامنے آیا۔فرانسیسی خبر رساں ادارے اے ایف پی کی ایک رپورٹ کے مطابق متھالی راج کی ٹیم پورے میچ میں چھائی رہی لیکن میچ کے اختتامی مراحل میں انگلش بالر آنیہ شرب سول نے میچ کی کایا پلٹ دی۔انہوں نے میچ کے آخری اوورز میں اپنے 3اوورز کے دوران 11 رنز کے عوض 5 بھارتی کھلاڑیوں کو آؤٹ کرکے انگلینڈ کو فتح سے ہمکنار کیا۔اپنے ایک بیان میں بھارتی کپتان متھالی راج نے کہا اگر بھارت کے پاس بھی آسٹریلیا کی ویمن بگ بیش لیگ اور انگلینڈ کی خواتین کرکٹ کی سپر لیگ جیسا کوئی ایونٹ ہوتا تو نتیجہ کچھ اور نکل سکتا تھا۔انہوں نے مطالبہ کیا کہ بھارت میں کرکٹ کا انتظام چلانے والے ادارے (پی سی سی آئی) کے پاس نادر موقع ہے کہ وہ ملک میں آئی پی ایل کی طرز پر ایک ٹورنامنٹ منعقد کرائے۔

انگلینڈ کے خلاف شکست کے حوالے سے ان کا کہنا تھا کہ تمام بھارتی کھلاڑی میچ کے دوران بہت زیادہ گھبرائی ہوئی تھیں جس کی وجہ سے شکست ان کا مقدر بنی۔یاد رہے کہ ایک روزہ کرکٹ کے فارمیٹ میں یہ دوسرا موقع تھا جب بھارت نے عالمی کپ کا فائنل کھیلنے کا اعزاز حاصل کیا۔بھارت نے اس سے قبل جنوبی افریقہ میں ہونے والے ویمن ورلڈ کپ 2005 میں فائنل کھیلنے کا اعزاز حاصل کیا تھا جہاں اس کا مقابلہ آسٹریلیا سے ہوا تھا۔فائنل مقابلے میں آسٹریلیا نے بھارت کو 98 رنز سے شکست دے کر ٹائٹل اپنے نام کیا تھا۔

مزید : کھیل


loading...