کورونا کے مریض کی قرنطینہ سینٹر میں وائرس کا شکار 14 سالہ نوجوان لڑکی کے ساتھ جنسی زیادتی کی کوشش
نئی دہلی(ڈیلی پاکستان آن لائن ) قرنطینہ سینٹر میں زیر علاج کورونا کےمریض نوجوان نے ساتھی مریضہ کو زیادتی کا نشانہ بنانے کی کوشش کی۔
بھارتی میڈیا کے مطابق یہ واقعہ نئی دہلی میں پیش آیا جہاں کورونا وائرس میں مبتلا 14 سالہ لڑکی کو چتر پور کے قرنطینہ سینٹر میں رکھا گیا تھا اور اسے وہاں کورونا کے ہی مریض نے اپنے دوست کے ساتھ مل کر زیادتی کا نشانہ بنانے کی کوشش کی۔
پولیس کے مطابق چند روز قبل یہ واقعہ رات کے اوقات میں اس وقت پیش ا?یا جب لڑکی واش روم گئی تو اس دوران اسی قرنطینہ سینٹر میں زیر علاج 19 سالہ نوجوان نے اپنے ساتھی کے ساتھ اسے واش روم میں زیادتی کا نشانہ بنانے کی کوشش کی۔پولیس کا بتانا ہے کہ کورونا کے مریض ملزم اور متاثرہ لڑکی کو قرنطینہ سینٹر میں ایک ہی جگہ ان کے رشتے داروں کے ساتھ رکھا گیا تھا اور واقعہ کے بعد لڑکی نے اپنے رشتے دار کو اس بارے میں آگاہ کیا۔
پولیس کے مطابق لڑکی نے اپنے بیان میں کہا کہ ایک نوجوان نے اسے زیادتی کا نشانہ بنانے کی کوشش کی جب کہ اس کا ساتھی موبائل فون سے اس واقعے کی ویڈیو بنارہا تھا۔پولیس کا کہنا ہے کہ لڑکی کے بیان کی روشنی میں مقدمہ درج کرکے دونوں نوجوانوں کو گرفتار کرلیا گیا ہے اور ان سے مزید تفتیش جاری ہے۔
