سول ایوی ایشن اتھارٹی نے سلام ایئر لائن کو پروازیں چلانے کی اجازت دیدی

سول ایوی ایشن اتھارٹی نے سلام ایئر لائن کو پروازیں چلانے کی اجازت دیدی
سول ایوی ایشن اتھارٹی نے سلام ایئر لائن کو پروازیں چلانے کی اجازت دیدی

  

کراچی(ڈیلی پاکستان آن لائن )سول ایوی ایشن اتھارٹی (سی اے اے) نے سلام ائیر لائن کو پروازیں چلانے کی اجازت دے دی ہے ۔

تفصیلات کے مطابق سی اے اے کے مطابق مسقط میں پھنسے پاکستانیوں کو 6 پروازوں کے ذریعے پاکستان لایا جائے گا۔شیڈول کے مطابق 26 جولائی کو پرواز مسقط سے کراچی، 28 کو مسقط سے سیالکوٹ آئے گی، 29 جولائی کو پرواز مسقط سے ملتان، 30 کو اسلام آباد، 31 کو پشاور اور 2 اگست کو لاہور پہنچے گی۔سی اے اے کی جانب سے سلام ائیر لائن کو ہدایت کی گئی ہے کہ کورونا ایس او پیز پر عمل کیا جائے اور مسافروں کے سامان کو ایس او پیز کے تحت ڈس انفیکٹ کیا جائے۔سی اے اے کے مطابق طیارے کے عملے کو جہاز سے اترنے کی اجازت نہیں ہو گی۔

مزید :

قومی -