کلبھوشن کو فوجی عدالتوں نے باقاعدہ کارروائی کے بعد سزائے موت سنائی ،دفتر خارجہ

کلبھوشن کو فوجی عدالتوں نے باقاعدہ کارروائی کے بعد سزائے موت سنائی ،دفتر ...

  

اسلام آباد(صباح نیوز)پاکستان دفترخارجہ کے ترجمان نفیس ذکریا نے کہا ہے کہ بھارتی دہشتگرد کو فوجی عدالتوں نے باقاعدہ کارروائی کے بعد سزائے موت سنائی ہے ۔ اب دیکھتے ہیں(بقیہ نمبر37صفحہ12پر )

آرمی چیف اس کی رحم کی اپیل پر کیا فیصلہ دیتے ہیں ۔ اس کے بعد آخری مرحلہ میں صدر پاکستان حتمی فیصلہ کریں گے ۔ جہاں تک قونصلر رسائی کا تعلق ہے تو اس سلسلے میں بھارت نے ہمیں مطلوبہ معلومات فراہم نہیں کیں ۔ ایک نجی ٹی وی کے ساتھ گفتگو کرتے ہوئے انہوں نے کہا کہ رحم کی اپیل کا 2ماہ کا وقت ہوتا ہے ۔ اب اس کا دورانیہ کم ہے اور دیکھتے ہیں آرمی چیف اس پر کیا فیصلہ دیتے ہیں اور پھر اگلہ مرحلہ صدر سے رحم کی اپیل کا ہے ۔ ترجمان نے کہا کہ کلبھوشن اکیلا کام نہیں کررہا تھا باقاعدہ ایک نیٹ ورک تھا جس کے بارے میں کلبھوشن نے ہمیں آگاہی دی ۔ اس سلسلے میں کافی گرفتاریاں بھی ہوئی ہیں اور کچھ نیٹ ورک کا خاتمہ بھی کیا گیا ہے ہم پہلے بھی بارہا کہہ چکے ہیں کہ پاکستان کو غیر مستحکم کرنے کیلئے نہ صرف بھارتی ایجنٹ پاکستان میں کام کر رہے ہیں بلکہ بھارت دوسرے ممالک کی سرزمین کو بھی استعمال کر رہا ہے۔ جہاں تک کلبھوشن یادیو تک قونصلر رسائی کا تعلق ہے تو ہم نے بھارت سے ایک خط کے ذریعے کچھ معلومات مانگی تھیں اور کہا تھا کہ اس کے بعد آپ کی قونصلر رسائی پر غور کریں گے مگر بھارت نے ہمیں معلومات فراہم نہیں کیں۔انہوں نے کہا کہ صرف ایران ہی نہیں جس ممالک سے بھی سرحدیں ملی ہیں وہاں مسائل ہوتے ہیں ،پاکستان کا ایران کے ساتھ ایک تعلق ہے ہماری ملحقہ سرحد میں بہت سارے نیٹ ورک ہیں جن میں انسانی سمگر اور ڈرگ سمگلر موجود ہیں ان کے ذریعے بھی مسائل پیدا ہوئے ہیں جبکہ ایران کے ساتھ ہمارے اچھے تعلقات ہیں اس لئے جو بھی مسائل سر اٹھاتے ہیں ان کے متعلق ہم ایران کے ساتھ اکثر بات کرتے ہوئے اور انہیں حل کرنے کی کوشش کرتے ہیں ۔

مزید :

ملتان صفحہ آخر -