امریکہ نے پاکستان اور افغانستان کیلئے نمائندہ خصوصی کا عہدہ ختم کر دیا
واشنگٹن(ڈیلی پاکستان آن لائن) پاکستان اور افغانستان کے لئے پاکستان کے نمائندہ خصوصی کے استعفیٰ کے بعد امریکہ نے دونوں ممالک کے لئے نمائندہ خصوصی کا عہدہ ختم کر دیا جبکہ واشنگٹن خطے میں ہزاروں مزید فوجی دستے بھیجنے کی تیاری کر رہا ہے۔
چین میں مٹی کا تودہ گرنے سے141افراد لاپتہ ، امدادی کارروائیاں جاری
وائس آف امریکہ کے مطابق امریکی محکمہ خارجہ کے سینئر افسر نے بتایا کہ قائم مقام نمائندہ خصوصی لیورل ملر نے یہ عہدہ جمعہ کے روز چھوڑ دیا اور ان کے متبادل کے لیے اس عہدے پر کسی تقرری کا اعلان نہیں کیا گیا ہے۔ امریکی محکمہ خارجہ کے ترجمان کا کہنا تھا کہ ملر رینڈ کارپوریشن میں اپنے عہدے پر واپس جا رہے ہیں جب کہ سیکریٹری خارجہ ریکس ٹیلرسن کے بارے میں بھی یہ فیصلہ نہیں کیا گیا کہ وہ اپنے عہدے کے ساتھ ساتھ اور کیا کرتے ہیں۔ اب ملر کی ذمہ داریاں جنوبی اور وسطی ایشیا سے متعلق معاملات کے بیورو میں ہوں گی جب کہ اس بیورو آفس میں بھی تاحال کوئی اسسٹنٹ سیکرٹری تعینات نہیں کیا گیا ہے۔ امریکی سفارتکار افغانستان اور امریکا کے درمیان نمائندہ خصوصی کا عہد ختم ہونے کو لیڈرشپ کا فقدان قرار دے رہے ہیں جب کہ سینئر امریکی حکام کہا کہنا ہے کہ یہ فیصلہ وسیع پالیسی پر نظر ثانی کا حصہ ہے۔