قتل اور ڈکیتی کیس ، گواہ نے ملزمان کو شناخت کرلیا
کراچی (اسٹاف رپورٹر)کراچی کی مقامی عدالت میں قتل اور ڈکیتی کے کیس میں لیاری گینگ وار کے تین ملزمان کی شناختی پریڈ، شناختی پریڈ میں گواہ نے ملزمان کو شناخت کرلیا۔جوڈیشل مجسٹریٹ ضلع غربی کی عدالت میں لیاری گینگ وار کے تین ملزمان مولا بخش، اکبر سمیت تینوں ملزمان کی شناختی پریڈ ہوئی، عدالت میں دو ملزمان مولا بخش اور اکبر کو گواہ نے شناخت کرلیا۔ تفتیشی افسر کا کہنا تھا کہ ملزمان نے دو ہزار بارہ میں اسٹیل ٹاؤن کے گودام میں ڈکیتی کی تھی۔ اور پولیس کی جانب سے ملزمان کا تعاقب کیا گیا ملزمان کی فائرنگ سے ایک پولیس اہلکار منیب شاہ جاں بحق ہوگیا تھا۔
