چندے مانگنے والے قوم کو بھیک مانگنا ہی سکھائیں گے،عظمیٰ بخاری

چندے مانگنے والے قوم کو بھیک مانگنا ہی سکھائیں گے،عظمیٰ بخاری

  

لاہور(پ ر)مسلم لیگ (ن)پنجاب کی ترجمان عظمی بخاری نے کہا ہے کہ جس شخص کا کچن چندے اور خیرات سے چل رہاہو وہ قوم کو صرف بھیک مانگنے کے طریقے ہی بتاسکتا ہے۔حمزہ شہباز کاروزانہ پنجاب اسمبلی آنا بنی گالہ کے نوکروں کوناگوار گزررہا ہے۔

حمزہ شہباز سپیکر پنجاب اسمبلی کی جانب سے جاری پروڈکشن آڈر پر اسمبلی پہنچ رہے ہیں۔حمزہ شہباز کی خاموشی بھی بھانڈوں اور پتلی تماشا کرنے والوں کو برداشت نہیں ہورہی۔حمزہ شہباز ایک سال سے انتقام کی بھینٹ چڑھ رہے ہیں۔مشرف دور میں بھی حمزہ شہباز نے جرات اور بہادری کے ساتھ جیل کاٹی۔حمزہ شہباز کا تعلق ملک سنوارنے والی فیملی سے ہے۔ مسلم لیگ (ن) پنجاب کی ترجمان عظمی بخاری کا فیاض چوہان کے بیان پر ردعمل میں کہا عمران نیازی اور علیمہ باجی کا تعلق صدقے اور خیرات سے چلنے والی فیملی سے ہے۔ایک بھائی نے تیس سال تک چندہ اکٹھا کیا اور بہن نے چندے اور زکوۃ کے پیسوں سے دبئی اور نیو جرسی میں اربوں کی پراپرٹی خریدی لی۔

بہن کہتی ہے یہ سلائی مشینوں کی کمائی سے خریدی بھائی کہتا ہے یہ میری کرکٹ کی کامئی سے خریدی۔علیمہ باجی کو آج نہیں توکل دبئی اور نیوجرسی کی جائیدداوں کی منی ٹریل دینا ہو گی۔عمران نیازی سے بنی گالہ کی بھی منی ٹریل وصول کی جائے گی۔

مزید :

میٹروپولیٹن 1 -