بلوچستان میں قیدیوں کیلئے کورونا سپیشل جیل وارڈ بنانے کی تجویز

بلوچستان میں قیدیوں کیلئے کورونا سپیشل جیل وارڈ بنانے کی تجویز
بلوچستان میں قیدیوں کیلئے کورونا سپیشل جیل وارڈ بنانے کی تجویز

  

کوئٹہ (ڈیلی پاکستان آن لائن)بلوچستان کی جیلوں کے قیدیوں میں کورونا کے کیسز میں اضافے کے پیش نظر آئی جی جیل خانہ جات نے صوبائی حکومت کو علیحدہ کوروناسپیشل جیل وارڈ بنانے کی تجویز دے دی، جہاں صوبے بھر کی جیلوں میں کورونا میں مبتلا قیدیوں کو رکھا جائے گا۔

آئی جی جیل خانہ جات بلوچستان ملک یوسف نے نجی ٹی وی کو بتایا کہ کوئٹہ ،مستونگ اور ژوب کی جیلوں میں قیدیوں اور عملے میں کورونا کے کچھ کیسز سامنے آئے ہیں۔ جس کے بعد محکمہ جیل نے محکمہ صحت کو صوبے کی تمام گیارہ جیلوں کے قیدیوں اور عملے کا کورونا ٹیسٹ کرانے کیلئے مراسلہ لکھ دیا ہے۔

ملک یوسف نے بتایا کہ جیلوں میں کورونا کے پھیلاؤ کے خطرے کے پیش نظر تقریباً چار ماہ سے قیدیوں کی اپنے رشتہ داروں سے ملاقات بند ہے، جبکہ کسی بھی نئے قیدی کو کورونا ٹیسٹ کے بغیر جیلوں میں نہیں لیا جارہا۔

انہوں نے مزید بتایا کہ مجوزہ کورونا سپیشل جیل وارڈ میں کورونا میں مبتلا قیدیوں کو پولیس اور محکمہ صحت کے عملے کی نگرانی میں رکھا جائے گا۔ عدالتوں میں پیشی کے موقع پر قیدی اپنے رشتہ داروں سے ملاقات کرتے ہیں جس کی وجہ سے کچھ جیلوں میں کورونا کے کیسز سامنے آئے ہیں۔

مزید :

علاقائی -بلوچستان -کوئٹہ -