کورونا وائرس کا پھیلائو :اسلام آبادکے مزید4 سب سیکٹرز کو آج شام 7 بجے سیل کر دیا جائے گا

کورونا وائرس کا پھیلائو :اسلام آبادکے مزید4 سب سیکٹرز کو آج شام 7 بجے سیل کر ...
کورونا وائرس کا پھیلائو :اسلام آبادکے مزید4 سب سیکٹرز کو آج شام 7 بجے سیل کر دیا جائے گا

  

اسلام آباد (ڈیلی پاکستان آن لائن) اسلام آباد عالمی وبا کورونا وائرس کے پھیلاؤ کے پیش نظر وفاقی دارالحکومت اسلام آباد کے مزید 4 سب سیکٹرز آج شام 7 بجے سیل کر دیے جائیں گے۔

اسلام آباد انتظامیہ کی جانب سے جاری نوٹی فکیشن کے مطابق اسلام آباد کے جی سکس ون، ٹو،جی سیون اور جی ٹین فور کو سیل کیا جائے گا۔

نوٹیفکیشن کے مطابق شہریوں کو اشیائے خوردونوش اور ضروری اشیا کو رکھنے کی ہدایت کر دی گئی ہے۔ بتایا گیا ہے کہ کریانہ، میڈیکل سٹور، بیکری اوردودھ کی دکانیں کھلی رہیں گی۔

یاد رہے کہ گزشتہ ہفتے اسلام آباد کے آئی ایٹ کے سیکٹر 3 اور 4 جبکہ آئی ٹین کے سیکٹر ون اور ٹو کو سیل کر دیا گیا تھا۔اسلام آباد کی ضلعی انتظامیہ کے احکامات کے مطابق ان علاقوں میں پرائیویٹ دفاتر اور پارکس بند رہیں گے، شہریوں کے لیے گھر سے باہر جانا ضروری ہو تو شناختی کارڈ ساتھ لازمی رکھا جائے۔

خیال رہے کہ ڈپٹی کمشنر اسلام آباد حمزہ شفقات نے سماجی رابطے کی ویب سائٹ ٹوئٹر پر لکھا تھا کہ کورونا کے بڑھتے کیسز کے باعث سیکٹر آئی 8 اور آئی 10 کو سیل کرنے کا فیصلہ کر لیا گیا ہے۔سیکٹر آئی 8 میں ایک دن کے دوران کورونا کے 200 کیسز سامنے آئے جبکہ سیکٹر آئی 10 میں ٹوٹل 400 کیسز سامنے آچکے ہیں۔انہوں نے کہا تھا کہ اسلام آباد کے دونوں سیکٹرز کو سیل کرنے کا پلان بنا رہے ہیں اور آئندہ 24 گھنٹوں میں اس حوالے سے نوٹیفکیشن جاری ہو سکتا ہے۔

مزید :

علاقائی -اسلام آباد -کورونا وائرس -