ملکی معیشت سے متعلق خفیہ رپورٹ پر وزیراعظم عمران خان کی حیرانگی ،شہباز شریف بھی میدان میں آگئے

ملکی معیشت سے متعلق خفیہ رپورٹ پر وزیراعظم عمران خان کی حیرانگی ،شہباز شریف ...
ملکی معیشت سے متعلق خفیہ رپورٹ پر وزیراعظم عمران خان کی حیرانگی ،شہباز شریف بھی میدان میں آگئے

  

اسلام آباد (ڈیلی پاکستان آن لائن )نجی نیوز چینل 24نیوز نے دعویٰ کیا کہ وزیراعظم عمران خان ملکی معیشت پر خفیہ رپورٹ دیکھ کر دنگ رہ گئے ۔اس خبر پر قائد حزب اختلاف شہباز شریف نے مائیکرو بلاگنگ ویب سائٹ ٹوئٹر پر رد عمل دیتے ہوئے کہا کہ حقائق کے ظہور سے آپ صرف 'حیران' ہوجاتے ہیں ۔جب آپ حقیقت سے روابط کھو جاتے ہیں اور متوازی دنیا میں رہتے ہیں ، بے فکر اور بے نیاز ہوتے ہیں۔ معیشت خالی جگہ میں نہیں گری اور قیمتوں اچانک اضافہ نہیں ہوا۔ مسٹر ، وزیر اعظم: آپ کی پالیسیوں نے ایسا کیا!

واضح رہے کہ نجی نیوز چینل کے مطابق رپورٹ میںکہا گیا کہ کورونا سے پہلے ہی مہنگائی کی شرح بلند ترین سطح پر پہنچ چکی تھی۔ملکی وسائل کا غلط استعمال کیا گیا اور بڑی مقدار میں پیسے کا انخلا کیا گیا ۔رپورٹ کے مطابق آئندہ بھی ٹیکس ہدف پورے نہیں ہو سکتے ۔سی پیک میں سرمایہ کار دوست ماحول کو نظر انداز کیا گیا ۔رپورٹ میں مزید کہا گیا کہ لارج سکیل مینو فیکچرنگ گرنے سے صنعتی شعبہ کی شرح نمو کم ہو گئی ہے ۔رواں سال مہنگائی میں 8.5فیصد کا ریکارڈ اضافہ ہوا۔

مزید :

قومی -