چین نے امریکہ کو قیمتی مشورہ دے دیا

چین نے امریکہ کو قیمتی مشورہ دے دیا
چین نے امریکہ کو قیمتی مشورہ دے دیا

  

بیجنگ (ڈیلی پاکستان آن لائن )امریکہ کی جانب سے الزام تراشی کے بعد چین نے امریکہ کو مشورہ دیا ہے کہ وہ پہلے اپنے اندرونی معاملات کو حل کریں ۔مائیکرو بلاگنگ ویب سائٹ ٹوئٹرپر چینی وزارت خارجہ کے ترجمان لی جیان زاو نے کہا کہ وبائی بیماری نا اہل رد عمل ، معیشت کی کساد بازاری ، سنگین نسل پرستی ، معاشرتی بگاڑ ، منشیات کے استعمال اور بندوق کی تشدد سے کے ساتھ ساتھ میں حیران ہوں کہ مائیک پومپیو میں اب بھی اتنا اعتماد اورہمت کیوں ہے کہ چین پر انگلیاں اٹھائے ۔لی جیان زاو نے مشورہ دیتے ہوئے کہا کہ پہلے اپنے اندرونی معاملات حل کرلیں۔

واضح رہے کہ چند روز قبل اپنے ایک ویڈیو بیان میں مائیک پومپیو نے کہا کہ چین نے ووہان میں کورونا وائرس سے متعلق حقائق چھپائے اور دنیا کو مشکل میں ڈال دیا۔ لاکھوں لوگ مرگئے، معیشتیں تباہ ہوگئیں، امریکی وزیر خارجہ نے کہا چین صرف امریکہ کیلئے نہیں بلکہ یورپ کیلئے بھی ایک بڑا چیلنج ہے۔اسی طرح جس طرح ہمارے جنوبی امریکی ، افریقی ، مشرق وسطی اور ایشین دوستوں کیلئے۔ ہمیں معاشی تعلقات کے سنہری پردے آنکھوں سے ہٹا کر صورتحال کو دیکھنا ہوگا۔

مزید :

بین الاقوامی -