پاکستان نے کین سائنوسے پاک ویک ویکسین کی 9لاکھ خورا کیں بنالیں 

پاکستان نے کین سائنوسے پاک ویک ویکسین کی 9لاکھ خورا کیں بنالیں 

  

  

اسلام آباد(آئی این پی) پاکستان کے نیشنل انسٹی ٹیوٹ آف ہیلتھ (این آئی ایچ)کے ماہرین نے چین سے درآمدہ کورونا ویکسین کین سائنو سے مقامی طور پر پاک ویک کی 9 لاکھ خوراکیں خود تیار کرلی ہیں۔این آئی ایچ حکام نے کہا ہے کہ ان میں سے دو لاکھ سے زائد خوراکوں پر مشتمل ایک کھیپ ڈریپ ڈرگ ریگولیٹری اتھارٹی آف پاکستان کو  منظوری کیلئے بھجوا دی گئی ہے۔ ڈریپ سے منظوری کے بعد یہ ویکسین شہریوں کو لگائی جائے گی۔ پاک ویک ویکسین بنانے کیلئے چین سے درآمد شدہ مرتکز (concentrated) کین سائنو ویکسین بطور خام مال استعمال کی جاتی ہے جسے کچھ مخصوص اجزا کی آمیزش کے بعد قابلِ استعمال خوراکوں (administrable doses) میں تبدیل کیا جاتا ہے۔پاک ویک ویکسین سنگل ڈوز ہے یعنی اس کی صرف ایک خوراک ہی کورونا وائرس سے بچا ؤکیلیے کافی رہتی ہے۔این آئی ایچ کے مطابق پاک ویک کی یہ دوسری کھیپ، پاکستانی ماہرین نے خود تیار کی ہے جبکہ پہلی کھیپ تیار کرنے کیلئے چینی ماہرین نے پاکستانی عملے کو پیشہ ورانہ تربیت دیتے ہوئے ان سے یہ خوراکیں تیار کروائی تھیں۔فی الحال پاک ویک کی اوسطا 50 ہزار خوراکیں روزانہ تیار کی جارہی ہیں تاہم یہ پیداواری صلاحیت آئندہ ماہ سے ایک لاکھ یومیہ پر پہنچا دی جائے گی۔ توقع ہے کہ اس طرح جولائی کے مہینے میں پاک ویک کی 30 لاکھ خوراکیں مکمل مقامی طور پر بنائی جائیں گی۔

پاک ویک 

مزید :

صفحہ آخر -