وزیراعظم نے اپنی تمام جائیداد شوکت خانم ہسپتال کو دینے کی وصیت لکھوادی، ڈاکٹر اختر 

وزیراعظم نے اپنی تمام جائیداد شوکت خانم ہسپتال کو دینے کی وصیت لکھوادی، ...

  

لاہور(نامہ نگارخصوصی)صوبائی وزیرتوانانی ڈاکٹر اختر کا کہناہے کہ وزیراعظم عمران خان نے اپنی وصیت میں لکھوا دیا ہے کہ ان کے مرنے کے بعد تمام جائیداد شوکت خانم کو دے دی جائے،عمران خان کے آنے سے بین الاقوامی سطح پر تبدیلی آئی، امریکہ نے افغانستان پر نظر رکھنے کے لئے اڈے مانگے تو عمران خان نے انکارکردیا،ان خیالات کااظہار انہوں نے لاہور ہائی کورٹ میں انصاف لائیرز ونگ کی زیر صدارت قانون کی بالادستی کے لئے کانفرنس کے انعقاد کے موقع پرکیا،صوبائی وزیر توانائی ڈاکٹر اختر نے کانفرنس میں بطور مہمان خصوصی شرکت کی اورمزید کہا کہ انصاف لائیرز ونگ کا مشکور ہوں جنہوں نے آج بلایا،عمران خان اور عثمان بزدار کی قیادت میں جو کام ہو رہے ہیں وہ آج سے پہلے کبھی نہیں ہوئے،عمران خان کا کوئی ذاتی ایجنڈا نہیں انہوں نے کوئی بچوں کی فیسیں نہیں دینی،ایک وزیر اعظم وہ تھا جس کے کپڑے اتروا لئے جاتے تھے،عمران خان نے کہا کہ نہ کبھی جھکا ہوں اور نہ ہی جھکنے دوں گا،اپوزیشن کو کوئی جگہ نہیں مل رہی کہ کہیں اعتراضات اٹھائے،وفاقی وصوبائی بجٹ تاریخ ساز ہیں،دسمبر تک پورے پنجاب کو ہیلتھ کارڈ فراہم کر دیں گے،پورے دنیا عمران خان کے وژن کی معترف ہو چکی ہے،وکلا ء کی اہمیت ڈھکی چھپی نہیں یہ پاکستان بھی ایک وکیل نے بنایا،پنجاب اسمبلی میں اس دور حکومت نے ریکارڈ قانون سازی کی،انہوں نے مزید کہا کہ ایوب دور کے بعد تاریخ میں پہلی مرتبہ انرجی سیکٹر پر بھرپور کام کیا جا رہا ہے،کانفرنس میں وکلا کی بڑی تعداد نے شرکت کی۔

ڈاکٹر اختر

مزید :

صفحہ آخر -