صنم سعید نے ڈرامہ انڈسٹری سے دوری کی وجہ بتادی 

  لاہور(فلم رپورٹر) اداکارہ صنم سعید نے ڈرامہ انڈسٹری سے دوری کی وجہ بیان کردی۔ ایک ٹی وی شو میں گفتگو کرتے ہوئے صنم سعید کا کہنا تھا کہ آج کل وہ بہت مصروف ہیں، ان کے پاس بالکل بھی وقت نہیں ہے اسی لئے وہ ڈراموں میں نظر نہیں آ رہیں۔اداکارہ نے بتایا کہ وہ آج کل سیریز میں بھی کام کر رہی ہیں اس لیے ان دنوں انہیں جس بھی ڈرامے کی آفر ہوتی ہے، انہیں وہ زیادہ تر مسترد کردیتی ہیں۔صنم سعید نے مزید کہا کہ حال ہی میں انہیں دو ایسے ڈراموں کی پیش کش کی گئی جنہیں وہ ہر حال میں کرنا چاہتی تھیں مگر بد قسمتی سے تاریخ کے ٹکرا اور وقت نہ ہونے کی وجہ سے وہ نہیں کرپائیں یہی وجہ ہے کہ وہ آج کل ٹیلی ویژن پر نظر نہیں آرہیں۔