شبیر جان کی بیٹی کے نکاح کی تصاویرکے سوشل میڈیا پر چرچے
لاہور(فلم رپورٹر) پاکستانی ڈرامہ انڈسٹری کے معروف اداکار شبیر جان کی بیٹی یشمیرا جان کے نکاح کی تصاویر نے سوشل میڈیا پر دھوم مچا دی۔ان دنوں شبیر جان اپنی بیٹی یشمیرا کی شادی کی تقریبات میں مصروف ہیں، چند روز قبل یشمیرا کی ڈھولکی کی تصاویر سوشل میڈیا پر خوب وائرل ہوئیں۔ڈرامہ سیریل "خودسر" میں "ردا" نامی لڑکی کا کردار نبھانے والی اداکارہ یشمیرا جان کی ڈھولکی کی تصاویر کے بعد اب ان کے نکاح کی تصاویر سوشل میڈیا پر زیرِ گردش ہیں جن میں وہ عروسی جوڑے میں ملبوس دکھائی دے رہی ہیں۔یشمیرا جان اپنے نکاح پر بے حد حسین نظر آئیں جبکہ ان کے شوہر نے بھی کریمی جوڑا پہن رکھا ہے۔نکاح کی تقریب میں اشنا شاہ، ہمایوں سعید، روبینہ اشرف، بہروز سبزواری، نبیل ظفر، شہروز سبزواری، صدف کنول، زیبا بختیار، شائستہ لودھی و دیگر شوبز ستارے شریک ہوئے اس موقع پر شریک فنکاروں نے شبیر جان کو ان کی بیٹی کی شادی کی مبارکباد دی اور ان کے لئے نیک خواہشات کا اظہار کیا دوسری جانب شبیر جان نے کہا کہ میں بیٹی کی شادی میں شریک تمام افراد کا شکرگزار ہوں۔
