مصر ،معمر خاتون نے اپنی ساری جائیداد حکو مت کو عطیہ کردی

مصر ،معمر خاتون نے اپنی ساری جائیداد حکو مت کو عطیہ کردی

قاہرہ(آن لائن)مصر کی معمر خاتون نے اپنی کل جائیداد بشمول نقد اور طلائی زیورات حکومت کو عطیہ کر کے حکومت کی مدد کی منفرد مثال قائم کی ہے۔ غیر ملکی میڈیا کے مطابق مخیرہ مصری خاتون سبیلہ علی احمد عجیزہ نے گذشتہ روز قاہرہ میں ایوان صدر میں صدر مملکت عبدالفتاح السیسی سے ملاقات کی۔ سبیلہ نے اپنی جائیداد حکومت کو وقف کرنے کا اعلان مصر میں خواتین کے قومی دن کے موقع پر کیا۔ الدقھلیہ گورنری سے تعلق رکھنے والی سبیلہ علی کی جائیداد دو لاکھ مصری پاؤنڈ اور طلائی زیورات وقف کیے ہیں۔اپنی جائیداد حکومت کو عطیہ کرنے والی خاتون کا ایوان صدر میں پرتپاک استقبال کیا گیا۔ اس موقع پر انہوں نے صدر السیسی سے بھی ملاقات کی۔ صدر سے ملاقات کی تصاویر سوشل میڈیا پر تیزی سے مقبول ہو رہی ہیں۔ صدر السیسی اور مصری حکومت نے سبیلہ علی عجیزہ کے اقدام کے اقدام کو قابل تحسین قرار دیا ہے۔

مزید : عالمی منظر