کماد کی بوائی تین یا چار آنکھوں والے سموں کے ذریعے کی جائے، محکمہ زراعت

کماد کی بوائی تین یا چار آنکھوں والے سموں کے ذریعے کی جائے، محکمہ زراعت

  IOS Dailypakistan app Android Dailypakistan app


قصور(اے پی پی )محکمہ زراعت نے کاشتکاروں کو کمادکی بہاریہ فصل کیلئے بیج کے انتخاب اور شرح بیج کے بارے میں ہدایت کی ہے کہ کماد کی بوائی گنے ہی سے کاٹے ہوئے تین یاچار آنکھوں والے ٹکڑوں (سموں)کے ذریعے کی جائے اور ہمیشہ صحتمند ‘بیماریوں اور کیڑوں سے پاک فصل سے بیج کا انتخاب کیاجائے نیزبیج بناتے وقت بیماراورکمزور گنے چھانٹ کر الگ نکال دینے چاہئیں خاص طورپر ایسے کھیت سے بیج ہرگزنہ رکھا جائے جس میں رتہ روگ کی بیماری موجود ہو۔
علاوہ ازیں ہمیشہ یک سالہ فصل کا بیج منتخب کرنے کی کوشش کرنی چاہئے تاکہ بہترپیداوار کا حصول ممکن بنایاجاسکے۔ محکمہ کے ترجمان نے کہا کہ بیج کیلئے گنے کا اوپروالاحصہ استعمال کیاجائے کیونکہ اس سے اگاؤاچھا ہوگا تاہم گری ہوئی فصل کا بیج ہرگز استعمال نہ کیاجائے اور آنکھوں کو زخمی ہونے سے بچانے کے علاوہ بیج کیلئے گنے کو درانتی یا پلچھی سے نہ چھلاجائے بلکہ ہاتھوں سے کھوری اتاری جائے۔

مزید :

کامرس -